Ижкар+15 °C
18 -тӥ куарусён 2020 Удмуртарня
18+

Глазкарысь пединститут но МГУ валче ужан сярысь тупанкыл гожтӥзы

  • 94
  • 0
Глазкар / Удмуртия
Глазкарысь пединститут но МГУ валче ужан сярысь тупанкыл гожтӥзы

Глазкарысь В. Г. Короленко нимо пединститут но Москваысь М. В. Ломоносов нимо кун университетлэн фундаментальной физико-химической инженерияя факультетэз физикаез но физикаез дышетонэз азинтонын валче ужан сярысь тупанкыл гожтӥзы. Со сярысь Удмуртиысь дышетонъя но тодосъя министерстволэн пресс-службаез ивортэ.

Валче ужан тодосъя но дышетонъя «Вернадский-Удмуртия» консорциумлэсь программазэ быдэсъян улсын радъяське, солэн валтӥсь ужпумез Росси улосвылъёсты азинтонын университетъёслэсь интызэс будэтонэн герӟаськемын.

Тупанкыл улсын вылӥ дышетсконниос ӵошен тодосъя но методикая публикациос дасялозы, научно-практической конференциос ортчытозы, дышетон но тодос удысын эскеронъёс но ӵектосъёс радъялозы.

МГУ-ысь дышетӥсьёс Глазкарысь институтысь физикая но физикаез дышетонъя кафедраен арлы быдэ радъяськылӥсь «Учебный физический эксперимент: Актуальные проблемы. Современные решения» огъяросси конференцилы вылӥ дунъет сётӥзы. Озьы ик Москваысь университетысь ӧнерчиос физикаез дышетонын лэчыт ужпумъёслы сӥзем «Учебная физика» журналлы нимысьтыз саклык висъязы.

Тодэ вайытом, азьвылгес Глазкарысь дышетӥсьёсты дасянъя В. Г. Короленко нимо институт мерлыко сиротствоез алонлы сӥзем ӵектоссэ быдэстыны грант утӥз



Наверх
Вниз