Ижкар+20 °C
9 -тӥ гудырикошкон 2020 Воскресенье
16+

Кык агроклассъёс усьтозы выль дышетскон аре Алнаш ёросын

  • 73
  • 0
Алнаш / Удмуртия
Кык агроклассъёс усьтозы выль дышетскон аре Алнаш ёросын
Туспуктэм: Константин Вознесенских

Удмуртиысь гурт возёсъя но сиён-юонъя министерствоен кичӧлтэм «Кадры для АПК – со школьной скамьи» программа улсын 2020-2021 дышетскон аре Алнаш ёросын кык агроклассъёс усьтозы. Со сярысь ёрослэн тӧроез Алексей Семёнов «ВКонтакте» мерлыко вотэсысь бамаз ивортӥз.

Азамат школаысь агроклассын сад будэтон но бакча ужен вырон ӧръёсъя мургес тодон-валанъёс сётозы. Классэн ужез валась дышетӥсь, агрономи удысын трос ужам Сергей Игнатьев кивалтоз. Агрокласслы луыса школаын емышо садзэс паськытатыны но виктория будэтыны убоос лэсьтыны малпало.

Писэйгуртысь школа гурт возёсэз механизировать карон ӧрез бырйиз. Ӧнерезъя инженер-механик Семён Васильев «Писеевское» огазеяськонлэн инъетаз пиналъёсты гурт возёс техникаен тодматоз.

Агроклассъёсын гурт возёс удысын ужасьёсты дасянын нырысетӥ вамыш луоз. Дышетскемзы бере пиналъёс быръем ӧръя ӵектоссэс утьыны кулэ луозы. Собере соослэн удысъя дышетсконниосы нырысь ик пырыны луонлыксы кылдоз

Тодэ вайытом, выль дышетскон аре Удмуртиысь 15 муниципал кылдытэтъёсын 28 агроклассъёс усьтыны чаклало



Наверх
Вниз