Ижкар+1 °C
24 -тӥ коньывуон 2020 Кӧснунал
18+

Удмурт кылъя дышетӥсьёс понна вебинаръёс ортчытоз Ижкарысь Кузебай Герд нимо гимназия

  • 191
  • 0
Ижкар / Удмуртия
Удмурт кылъя дышетӥсьёс понна вебинаръёс ортчытоз Ижкарысь Кузебай Герд нимо гимназия
Туспуктэм: Руслан Нуриахметов

20-тӥ но 25-тӥ гудырикошконэ Ижкарысь Кузебай Герд нимо йӧскалык гимназия удмурт кылъя дышетӥсьёс понна улосвылкуспо вебинаръёс ортчытоз. Со сярысь Удмуртиысь дышетонъя но тодосъя министерстволэн пресс-службаез ивортэ.

Нырысетӥез «Медиалаборатория этнокультурного образования» ӵектос улсын радъяськоз. Гимназиысь дышетӥсьёс шор ёзо дышетон программае ӵектосъёс пыр йӧскалык ӧрез пыртон, анай кылэз дышетонын ӵектосъёс кылдытон технологиосты кутон сярысь вералозы, ӵектослэн валтӥсь ӧръёсыныз но со улсын кылдытэм «Выль тулкым» методикая вотэсэн тодматозы.

Кыкетӥяз вебинаре пыриськисьёс анай кылэз дышетонын медиаресурсъёсты кутонъя дась кейсъёсын тодматскозы. Дышетӥсьёслы вералозы, макем пайдалыко но малы кулэ туала дышетон сӧзнэтын компьютер но дидактика шудонъёсты, анимациез, мультипликациез но мукет цифровой амалъёсты кутон.

Со сяна, вебинаръёсын методикая вотэслэсь активзэ но ӵошен ужан радлыкез кылдытозы

Вебинаръёсы удмурт кылъя но литературая дышетӥсьёс, визьнодасьёс, ватсаса тодон-валан сётӥсьёс, дышетӥсьёсты дасясь факультетъёсысь студентъёс, дышетсконниослэн кивалтӥсьёссы, мер огазеяськонъёслэн азьветлӥсьёссы, лулчеберет ужъюртъёслэн, кун но интыысь тӧрлык ёзэсъёслэн ыстэм муртъёссы пыриськыны быгато.

Ужрад Zoom платформаын дистанционной амалэн ортчоз. Пыриськон понна 18-тӥ гудырикошконозь гожтӥськыны кулэ, куриськонъёсты medialaboratoriya@bk.ru электрон почтае келяно.

Ватсалом, вебинаръёс Удмуртиысь дышетонъя но тодосъя министерство юрттэмен радъясько.

Тодэ вайытом, Ижкарысь Кузебай Герд нимо гимназилэн «Проектный офис удмуртских школьников» ӵектосэз Россиысь калыкез дышетонъя министерстволэн вожвылъяськоназ 873 сюрс манет тыр грант утӥз. Со коньдонэн удмурт калыклэсь лулчеберетсэ дышетонъя медиалаборатория («Медиалаборатория этнокультурного образования») но удмурт кылъя дышетӥсьёс понна «Выль тулкым» методикая сӧзнэт кылдытозы



Наверх
Вниз