Ижкар+20 °C
9 -тӥ гудырикошкон 2020 Воскресенье
16+

Ӵектосъёс кылдытонъя школа ортчоз Удмуртиысь 7-11 классъёсын дышетскисьёс понна

  • 55
  • 0
Ижкар / Удмуртия
Ӵектосъёс кылдытонъя школа ортчоз Удмуртиысь 7-11 классъёсын дышетскисьёс понна
Туспуктэм: vk.com (ВУКО)

30-тӥ гудырикошконысен 6-тӥ куарусёнозь Удмуртиысь «Ёлочка» лагерьын «Удмурт дышетскисьёслэн ӵектосъёсъя офиссы» ӵектос улсын «Ӵектосъёсъя «ВУКО» школа» смена ортчоз. Отчы вожвылъяськон пыр потэм но ӵектоссэс быдэсъянын мыло-кыдо луэмзэс возьматӥсь 7-11 классъёсын дышетскисьёс пыриськозы. Со сярысь ӵектосэз радъясьёс ивортӥзы.

Сизьым нунал ӵоже 40 пиналъёс ӵектосъёс кылдтыонъя тодон-валанъёс басьтозы, озьы ик менеджмент, копирайтинг, SMM но графика дизайн ӧръёсъя быгатонлыкъёссэс будэтозы. Ӵектосъёсъя школаын лекциос, воркшопъёс, кенешонъёс, семинаръёс, вожвылъяськонъёс, творчествоя площадкаос, шудонъёс радъяськозы.

Смена ӵоже пиналъёс ӧжытсэ вить ӵектос кылдытозы. Со сяна, устоосыз 10 дышетскисьёс Удмурт дышетскисьёслэн ӵектосъёсъя офиссылэн резерваз пырозы но улосвыл но федерал ӵектосъёсын но программаосын стажировка ортчыны быгатозы

«Ӵектосъёсъя «ВУКО» школа» сменае пыриськон понна куриськонъёсты 10-тӥ гудырикошконозь чӧлсконпусъя гожтоно но келяно.

Ватсалом, лагерь сменаез Кузебай Герд нимо йӧскалык гимназия но Удмуртиысь дышетонъя но тодосъя министерство радъяло.

Тодэ вайытом, Ижкарысь Кузебай Герд нимо гимназилэн «Удмурт дышетскисьёслэн ӵектосъёсъя офиссы» («Проектный офис удмуртских школьников») ӵектосэз Россиысь калыкез дышетонъя министерстволэн вожвылъяськоназ 873 сюрс манет тыр грант утӥз. Со коньдонэн удмурт калыклэсь лулчеберетсэ дышетонъя медиалаборатория но удмурт кылъя дышетӥсьёс понна методикая сӧзнэт кылдытозы



Наверх
Вниз