Ижкар+1 °C
24 -тӥ коньывуон 2020 Кӧснунал
18+

Огъя кун экзаменъёслы йылпумъянъёс Удмуртиын умойгес луизы

  • 99
  • 0
Ижкар / Удмуртия
Огъя кун экзаменъёслы йылпумъянъёс Удмуртиын умойгес луизы
Туспуктэм: Григорий Фомин

Огъя кун экзаменъёсты сётон валтӥсь дыр йылпумъяськиз. 2020-тӥ арын Удмуртиысь дышетскисьёслэн тросэзъя тодметъёсъя ужъемышъёссы ӟечгес луизы. Со сярысь 28-тӥ пӧсьтолэзе журналистъёслы элькунысь дышетонъя но тодосъя министрлэн воштӥсез Ирина Крохина вераз.

Литературая, историяя но ӟуч кылъя 100 балл басьтӥсьёслэн лыдзы кык поллы йылӥз. Географияя, информатикая ужъемышъёс кылем арын кадь. <…> Туннэ нуналлы йылпумъянъёсъя 100 баллъёсмы 52 (51 адями). Кылем арын 54 адями вал, но ми ньыль тодметъёсъя йылпумъянъёс ӧз на вуэ, соин ик таяз арын соос тросгес луыны быгатозы
Ирина Крохина, Удмуртиысь дышетонъя но тодосъя министрлэн воштӥсез

Пусъём, Дэри ёросысь Италмас черкогуртысь Элькун лицей-интернатын дышетскись Ольга Шишкина ӟуч кылъя но информатикая экзаменъёсын 100 балл басьтӥз.

Та дыре элькунъя шор-куспо балл кылем арын сярысь 0,5-1,5 баллы тросгес

Озьы ик Ирина Крохина гурт школаосын дышетскисьёс пӧлын 100 балл басьтӥсьёс арысь аре тросгес луо шуыса пусйиз.

Гурт школаосысь 100 бал басьтӥсьёслэн географизы паськыта: уйпаласен кутскыса – со Яр ёрос, лымшорозь – Кизнер, Вавож, Кияса ёросъёс
Ирина Крохина, Удмуртиысь дышетонъя но тодосъя министрлэн воштӥсез

Тодэ вайытом, 2019-2020 дышетскон арын огъя кун экзаменъёсты вылӥ дышетсконниосы пырыны малпасьёс гинэ сётӥзы – 7 сюрслэсь ятыр адями. Ар кутсконын экзаменъёсы ог 3 сюрслы тросгес пиналъёс гожтӥськизы вал. 



Наверх
Вниз