Ижкар+20 °C
9 -тӥ гудырикошкон 2020 Воскресенье
16+

Удмуртиысь укмыс выпускникъёс обществознаниея но химияя экзаменын 100 балл басьтӥзы

  • 54
  • 0
Ижкар / Удмуртия
Удмуртиысь укмыс выпускникъёс обществознаниея но химияя экзаменын 100 балл басьтӥзы
Туспуктэм: Константин Вознесенских

28-тӥ пӧсьтолэзе Удмуртие обществознаниея но химияя огъя кун экзаменъёслы йылпумъянъёс вуизы. 100 балл укмыс пиналъёс басьтӥзы. Со сярысь элькунысь дышетонъя но тодосъя министерстволэн пресс-службаез ивортэ.

Химия тодметъя 100 балл басьтӥзы Ижкарысь 56 но 83 номеро гимназиосысь, Лингвистикая 25 номеро лицейысь, Кузебай Герд нимо гимназиысь, Алнашысь но Сьӧлтаысь школаосысь, Глазкарысь Физикая но математикая лицейысь выпускникъёс.

Обществознаниея экзамензэс 100 баллы гожтӥзы Ижкарысь Гуманитарной лицейын но Лингвистикая 25 номеро лицейын дышетскисьёс.

Та тодметъёсъя огъя кун экзаменъёс 16-тӥ пӧсьтолэзе ортчизы. Химияя тодон-валанъёссэс 892 пиналъёс эскеризы, обществознаниея – 2 сюрс 763

Тодэ вайытом, география, литература но информатика тодметъёсъя огъя кун экзаменъёсын вылӥ баллъёс 23 выпускникъёс басьтӥзы. Ӟуч кылъя экзамензэс нырысетӥ нуналаз 100 баллы укмыс пиналъёс сётӥзы, кыкетӥ нуналаз – 10. Математикая усто тодон-валанъёссэс куинь дышетскисьёс возьматӥзы. Физикая но историяя огъя кун экзаменын 100 балл сизьым пиналъёс басьтӥзы. Удмуртиысь дышетонъя но тодосъя министерствоын пусйизы, 2020-тӥ арын элькунысь дышетскисьёслэн тросэзъя тодметъёсъя ужъемышъёссы ӟечгес луизы.



Наверх
Вниз