Ижкар+20 °C
9 -тӥ гудырикошкон 2020 Воскресенье
16+

УдГУ-лэн калыккуспо гужем школаяз 12 кунсьӧрмуртъёс удмурт кылэз дышето

  • 74
  • 0
Ижкар / Удмуртия
УдГУ-лэн калыккуспо гужем школаяз 12 кунсьӧрмуртъёс удмурт кылэз дышето

Пӧсьтолэзе Удмурт кун университетлэн Удмурт кылъя гужем школаяз 13 мурт дышетске: 12 кунсьӧрмуртъёс но одӥгез Росси улосвылысь. Туэ курсъёс онлайн амалэн ортчо но куинь арня интые кык арня гинэ мынозы. Со сярысь ивортодэтъя «Удмуртия» агентстволы Школалэн кивалтӥсез, кылосбур тодосъя кандидат Дмитрий Ефремов вераз.

Удмурт кылэз дышетӥсьёс пӧлын Финляндиысь, Венгриысь, Бельгиысь, Австриысь, Германиысь, Франциысь, США-ысь но Россиысь Марий Эл Элькунысь адямиос. Дмитрий Ефремовлэн верамезъя, ӝыныезлэсь тросэз ужзэс удмурт кылэн герӟало. Куд-огезлэн Удмурт кылъя школае лыктэмзы кемалась потэ ни вылэм, но луонлыкъёссы вылымтэ, соин ик дышетонэз онлайн амалэн радъямлы соос шумпотӥзы, шуиз Школалэн кивалтӥсез.

Дышетскисьёсты куинь группалы люкизы: кин удмурт кылэз чик уг тоды (сыӵеос ньыль кузя), кин кӧня ке вала но кинлэн тодон-валанъёссэ муромытэмез потэ. Куинетӥяз, кылсярысь, удмурт кылзэс волято Парижысь шундыӝужанпал кылъёсъя но лулчеберетъёсъя йӧскалык институтысь финно-угроведениея профессорлы но Тарту университетысь тодосъя ӧнерчи Ева Тулуз но Финляндиысь аспирант Томи Койвунен.

Дышетон программаын удмурт кылъя лекциос но практика, со сяна, удмурт лулчеберетъя англи кылын лекциос. Азьвыл Удмуртие дышетскыны лыктэмъёслы пӧртэм мастер-классъёс ортчытъяло вал, но туэ онлайн амалэн интерактивной шудонъёс гинэ радъяло, кылсярысь, висъянтэм кылтэчетъёсты (фразеологизмъёсты) валамзэс эскеро.

Тодэ вайытом, 3-тӥ гудырикошконэ Удмуртиын коронавирус инфекци вӧлмонэн сэрен куспетӥ карем удмурт кылъя курсъёс азьланьтӥськозы.

Кунгож сьӧрысь дышетскисьёс удмурт эктонъя мастер-классын




Наверх
Вниз