Ижкар+20 °C
9 -тӥ гудырикошкон 2020 Воскресенье
16+

Удмуртиысь кык колледжъёс Россиысь калыкез дышетонъя министерстволэсь грант басьтозы

  • 44
  • 0
Ижкар / Удмуртия
Удмуртиысь кык колледжъёс Россиысь калыкез дышетонъя министерстволэсь грант басьтозы
Туспуктэм: Константин Вознесенских

Удмуртиысь мерлыкъя но педагогикая элькун колледж но Совето Союзлэн Героезлэсь Ф. А. Пушиналэсь нимзэ нуллӥсь элькун эм колледж Россиысь калыкез дышетонъя министерстволэсь 20 миллион манет грант басьтозы. Росси азьмуртэн кичӧлтэм «Образование» йӧскалык ӵектосъя висъям коньдон «Молодые профессионалы» федерал ӵектослэн куронъёсызлы тупась ужан тӥрлыклы мыноз. Со сярысь улосвылысь дышетонъя но тодосъя министерстволэн пресс-службаез ивортэ.

Милям дышетсконниосмы куинетӥ арзэ ни министерстволэн грантъёсъя вожвылъяськоназ пырисько, куинетӥ арзэ вормисьёс пӧлы шедё. Колледжъёсын но техникумъёсын туала лабораториос кылдыто, кудъёсыз ужаны дышетӥсь программаосты быдэсъяны луонлык сётэ. Со элькунлэн экономикаысьтыз валтӥсь удысъёслы вылӥ быгатонлыко ужасьёсты дасяны юрттэ. 2024-тӥ арозь Удмуртиын 50 туала мастерскойёс кылдыны кулэ. Дышетсконниос азьланяз но вожвылъяськонын кужымзэс эскерозы
Елена Никитина, Удмуртиысь дышетонъя но тодосъя министерствоысь ӧнер дышетонъя но тодосъя ёзэтлэн кивалтӥсез

Мерлыкъя но педагогикая элькун колледж 11 миллион манетлэсь трос утӥз. Со коньдонэн «Дошкольное воспитание», «Преподавание в младших классах», «Социальная работа», «Физическая культура, спорт и фитнес» ӧръёсъя туала мастерскойёс кылдытозы.

Эм колледж 9 миллион манетлэсь трос басьтоз. Отын ньыль мастерскойёс кылдытозы: «Лабораторный анализ», «Лечебное дело», «Медицинский и социальный уход», «Фармацевтика».

2020-тӥ арын федерал министерстволэн вожвылъяськоназ Удмуртиысь 20 шор ёзо ӧнер дышетсконниос пыриськизы

Тодэ вайытом, таяз арын сӥзьыл выль мастерскойёс Ижкарысь лэсьтӥськонъя техникумын, Асанысь аграрно-технической техникумын, Уваысь ӧнерлыко колледжын, Можгаысь агропромышленной колледжын, Сарапулысь педагогикая колледжын усьтозы.



Наверх
Вниз