Ижкар+20 °C
9 -тӥ гудырикошкон 2020 Воскресенье
16+

Алнаш ёросысь ваньмыз дышетон юртъёс выль дышетскон арлы дасесь

  • 48
  • 0
Алнаш / Удмуртия
Алнаш ёросысь ваньмыз дышетон юртъёс выль дышетскон арлы дасесь
Туспуктэм: Руслан Нуриахметов

Алнаш ёросын дышетон юртъёслэсь выль дышетскон арлы дасьлыксэс эскеронъёсты йылпумъязы. Ваньмыз 38 юртъёс пиналъёсты пумитаны дасесь. Со сярысь ёрослэн тӧроез Алексей Семёнов «ВКонтакте» мерлыко вотэсысь бамаз ивортӥз.

Таяз арын Удмурт Элькунлэн но ёрослэн коньдэтъёсысьтызы 7 миллион манет котыр висъямын. Нимысьтыз саклык чаклась ёзэсъёслэсь косонъёссэс быдэстонлы
Алексей Семёнов, Алнаш ёрослэн тӧроез

«Большой ремонт» элькун программая Вуж Шудья гуртысь школаын укноосты вошъязы, солы 135 сюрс манет быдтӥзы. Кузёбай гуртысь куашкан калэн вуэм нылпи садэз школае выжтӥзы. Со ужъёс 2 но ӝыны миллион манет пала усизы. Асан школаысь спортзалэз рос-прос тупатъяны 931 сюрс 626 манет висъязы.

«Образование» йӧскалык ӵектос улсын Алнашысь но Байтэрекысь школаосын «Будон инты» («Точка роста») центръёс кылдытон понна висъетъёсты тупатъязы, ужъёслы 1 миллион 500 сюрс манет сётӥзы.

Чаклась ёзэсъёслэсь косонъёссэс быдэстыны 2 миллион манет висъязы. Со коньдонэн тылпулэсь утиськон тубатъёс лэсьтӥзы, сигъёсты ӝуасьтэм суретъёсын обработать каризы, выль огнетушительёс басьтӥзы, выжъёсты но пырон азьёсты воштӥзы, ву кошкон но басьтон, шуныт сётон сӧзнэтъёсты выльдӥзы, нылпи садъёсын кырын шудон интыосты умоятӥзы.

Тодэ вайытом, выль дышетскон аре Алнаш ёросын нырысетӥоссэ кык агроклассъёсты усьтозы



Наверх
Вниз