21 -тӥ коньывуон 2020 Вирнунал
18+

Ижкарысь дышетскись ӟучысь удмуртэ берыктӥсь бот кылдытӥз

  • 112
  • 0
Ижкар / Удмуртия
Ижкарысь дышетскись ӟучысь удмуртэ берыктӥсь бот кылдытӥз
Туспуктэм: Григорий Фомин

Ижкарысь Кузебай Герд нимо йӧскалык гимназиын дышетскись Никита Моромов «ВКонтакте» мерлыко вотэс понна ӟуч кылъсёты удмуртэ берыктӥсь чат-ботэз кылдытӥз. Со сярысь Удмуртиысь Калыкъёслэн эшъяськон юртсылэн пресс-службаез ивортӥз.

Гимназиын ваньмыз дышетскисьёс удмурт кылэз дышето, дорысь ужез лэсьтыны кыллюкам кулэ. Озьы пияшлы малпан лыктӥз бот – программа – кылдытыны, кудӥз кулэ удмурт кылэз вераны быгатоз.

Аслэсьтым ватсэтме кылдытэме кемалась потэ ни вал. Алигес «Телеграмысь» бот сярысь тодӥ, со кылъёслы валэктонъёс сётэ. Со мыным кельшиз но мон со сярысь тросгес тодыны малпай. Ютубысь сыӵе ботэз кылдытыны видеовалэктон шедьтӥ. Мон удмурт гимназиын дышетскисько бере, мон «ВКонтактелы» электрон кыллюкам лэсьтыны малпай
Никита Моромов, Кузебай Герд нимо йӧскалык гимназиын дышетскись

Ботлы ивортонэн ӟуч кыл гожтыса, со соку ик удмурт кыл сётэ. Али программа 150 пала кылъёсты тодэ. Матысь ужпум – юрттӥсьлэсь кыл узырлыксэ будэтон но лэсьтыны озьы, бот кулэ кылъёсын быдэс фразаос сётыны но удмуртысь ӟуч кылэ берыктыны мед быгатоз.

Тодэ вайытом, азьвылгес Сарапулын нылпиослы удмурт кылъя 3D кыллюкам поттӥзы



Наверх
Вниз