Ижкар-14 °C
4 -тӥ толсур 2020 Удмуртарня
18+

Куать дышетон юртъёсты карантинэ ворсазы Удмуртиын

  • 80
  • 0
Ижкар / Удмуртия
Куать дышетон юртъёсты карантинэ ворсазы Удмуртиын
Туспуктэм: Руслан Нуриахметов

Удмуртиын карантинэ быдэсак ворсамын вить нылпи садъёс но одӥг школа. Со сярысь 13-тӥ коньывуонэ элькунлэн тӧроез Александр Бречалов мерлыко вотэсъёсын мкӵак эфирез дыръя вераз.

Куинез паласькись лек вирус инфекциосъя (ОРВИ) – Кизнер ёросысь Бемыж нылпи сад, Сарапулысь 35 номеро нылпи сад, Ува ёросысь Удугучинысь нылпи сад. Куинез ковидъя – Сарапулысь 12 номеро школа, 16 но46 номеро нылпи садъёс
Александр Бречалов, Удмуртилэн тӧроез

Со сяна, 136 школаосын 265 классъёс ворсамын, со пӧлысь 153-ез паласькись лек вирус инфекциос сэрен, 112-ез – коронавирусъя.

Александр Бречалов пусйиз, школаосты диастанционной амалэн ужанэ выжтыны мугъёс ӧвӧл.

Шор ёзо дышетсконниос пӧлысь карантинэ быдэсак ворсамын Сарапулысь педколледж гинэ. Ньыляз дышетсконниосын тямыс группаос ковид сэрен уг ужало.

Удмурт кун университет, техникая университет, эм академия но гурт возёсъя академия дышем сямен ужало. Улосвыл тӧролэн верамезъя, дистантэ потыны чакланъёссы ӧвӧл. Глазкарысь пединститутысь 2-тӥ но 3-тӥ курсъёсын дышетскисьёс 1-тӥ коньывуонэ очной амалэн дышетскыны потозы. 



Наверх
Вниз