Ижкар-6 °C
27 -тӥ шуркынмон 2020 Удмуртарня
18+

14 выль нылпи садъёс усьтыны чаклало 2021-тӥ арын Удмуртиын

  • 84
  • 0
Кез / Удмуртия
14 выль нылпи садъёс усьтыны чаклало 2021-тӥ арын Удмуртиын
Туспуктэм: Полина Уразова

Удмуртиын 2021-тӥ арын оглом 1 сюрс 380 интылы чаклам 14 нылпи садъёс усьтыны чаклало. Со сярысь Удмуртилэн тӧроез Александр Бречалов 13-тӥ шуркынмонэ Кез но Балезино ёросъёсын ужакуз вераз, ивортэ элькун тӧролэн но кивалтэтлэн пресс-службазы.

Ужъёсты Дэбесын, Кезын, Кизнерын но Ижкарын мытӥзы ини

Нош туэ оглом 760 интылы куать нылпи садъёс усьтӥськозы. Соосты Сарапулын, Ижкарын, Вавожын, Воткаын, Шаркан ёросысь Мишкиноын но Алнашын лэсьто. 

Со сярысь Александр Бречалов Кезысь «Солнышко» выль нылпи садэ вуылыкуз вераз. 80 интылы чаклам дышетон юртэз Росси азьмуртэн кичӧлтэм «Демография» йӧскалык ӵектос улсын ӝутӥзы. Яслиез туэ южтолэзе усьтӥзы. Туннэ нуналлы вань интыос тырмытэмын. Отчы 1 аресысен 3 аресозь пиналъёс ветло.

Милям туж чебер юртмы, сое Нижний Новгород улосвылысь инъет ӵектосъя пуктӥзы. Со аспӧртэм ӵектос, типовой ӧвӧл. Азьло татын куашкан калэ вуэм пу юртъёс сыло вал. Табере каргуртэз милям нылпи садмы чебер каре
Татьяна Гущина, Кез каргуртысь «Солнышко» нылпи садэн кивалтӥсь

Нылпиослы югыт шудон висъетъёс, вӧл-вӧл изён интыос лэсьтэмын, вань крезьгурен вырыны зал, эм кабинет, сиён пӧраны висъет, трос шудонъёс. Нылпи сад котырын пиналъёслы шудыны туала куронъёслы тупась ньыль площадкаос лэсьтэмын. 

Выль ужъюртын вань ужасьёс тырмо. Отчы егит ӧнерчиос ужаны лыктӥзы, вань стажёръёссы но. Ужасьёссылэн лыдзы – 17 адями.

Кез каргуртын нылпи садъёсы интыоссэс 142 адями возьма на. Но али эшшо одӥг юрт пуктӥське. Со усьтӥзы ке, черод быроз.

Пусъём, «Демография» йӧскалык ӵектос улсын 2018-тӥ арын элькунамы оглом 1 сюрс 200 интылы 15 нылпи садъёс ужаын кутскизы, нош 2019-тӥ арын – 930 интылы 12 нылпи садъёс. Со аръёсы но туэ но вуоно арын усьтӥськонооссэ чакласа, 2021-тӥ арозь Удмуртиын йӧскалык ӵектос улсын оглом 48 яслиос но нылпи садъёс усьтӥськозы. 



Наверх
Вниз