Ижкар-11 °C
4 -тӥ толсур 2020 Удмуртарня
18+

5-11 классъёслы удмурт кылъя но литературая учебникъёсты федерал лыдметэ пыртыны ӵектӥзы

  • 138
  • 0
Ижкар / Удмуртия
5-11 классъёслы удмурт кылъя но литературая учебникъёсты федерал лыдметэ пыртыны ӵектӥзы
Туспуктэм: Константин Вознесенских

5-11 классъёслы «Удмурт кыл», «Ӟеч-а, бур-а, удмурт кыл!» но «Удмурт литература» учебникъёс федерал лыдметэ пырозы. Сыӵе ӵектон Россиысь Калыкез дышетонъя министерстволэн учебникъёсъя научно-методической кенешлэн пумиськоназ кутӥзы. Со сярысь ивортодэтъя «Удмуртия» агентстволы Удмуртиысь Дышетон удысысь йӧскалык ужпумъёсты эскеронъя тодос институтлэн кивалтӥсез Надежда Ураськина вераз.

Удмурт кыл но литература 5-тӥ классысен 11-тӥ классозь, ваньмыз. «Удмурт кыл» кык линиез - тодӥсьёслы но тодӥсьтэмъёслы. Мон учки списокез, кин пыремын, финн-угоръёс пӧлысь, паймоно кадь, милям удмурт кылъя но литература сяна, учебникъёс ӧвӧл. Комиослэн 1-4 классъёслы пыриллям ни учебникъёссы, нош инъет но шор ёзо школалы пыремын нокинлэн но ӧвӧл. Финн-угор улосвылъёс пӧлын милям гинэ вань ступеньёс ворсамын. Туж шумпотӥськом со понна!
Надежда Ураськина, Удмуртиысь Дышетон удысысь йӧскалык ужпумъёсты эскеронъя тодос институтлэн кивалтӥсез

Озьы ик со ватсаз, институтын ужасьёс но, дышетӥсьёс но та иворез туж кема возьмазы, угось федерал лыдметэ пыртымтэ учебникъёсты уже кутыны уг луы вал. 

Тодэ вайытом, покчи классъёслы удмурт кылъя но литературая учебникъёсты федерал лыдметэ 2019-тӥ арын толшоре пыртӥзы



Наверх
Вниз