Ижкар-11 °C
4 -тӥ толсур 2020 Удмуртарня
18+

Пиналъёслэсь удмурт кылъя но литературая тодонлыкъёссэс эскерон но дунъян пособиосты поттӥзы Удмуртиын

  • 98
  • 0
Ижкар / Удмуртия
Пиналъёслэсь удмурт кылъя но литературая тодонлыкъёссэс эскерон но дунъян пособиосты поттӥзы Удмуртиын
Туспуктэм: Руслан Нуриахметов

«Удмуртия» издательство пӧртэм классъёсын пиналъёслэсь удмурт кылъя но литературая тодонлыкъёссэс эскерон но дунъян методика пособиосты поттӥз – ваньмыз 14 книга. Со сярысь ивортодэтъя «Удмуртия» агентстволы издательствоысь дышетон литературая валтӥсь редактор Татьяна Воронова вераз.

Ваньмыз соос методпособиос. Со 1-4 классъёслы «Удмурт кыл» но «Литературной лыдӟиськон» предметъёсъя дышетскон ужъемышъёсты дунъян сӧзнэт, авторъёсыз дышетон удысысь йӧскалык институтысь методистъёс, отын ужась ӧнерчиос. Озьы ик таӵе ик сӧзнэт «Удмурт кыл» но «Удмурт литература» предметъёсъя 5-9 классъёслы поттэмын. Озьы ик потӥзы 1-4 классъёслы «Удмурт кылъя» но «Литературной лыдӟиськонъя» эскерон-дунъян ужъёс (дышетӥсьёс соосты КИМ-ёс шуо). Татын быдэс эскерон ужъёс: тани, шуом, диктант-а со кыӵе ке, изложение, тест амалэн лэсьтэм ужъёс. Дышетӥсьлы та туж бадӟым юрттэт луоз ужаз
Татьяна Воронова, «Удмуртия» издательствоысь дышетон литературая валтӥсь редактор

Эскерон-дунъян ужъёс 10-11 классъёслы но «Удмурт кыл» но «Удмурт литература» предметъёсъя поттӥзы. Татьяна Вороновалэн верамезъя, дунъян ужъёс 5-9 классъёслы но дасямын ни, но соосты берлогес поттозы. Озьы ик солэн кылъёсызъя та методичкаосын пиналъёс но урокъёсын ужаны быгатозы.

Пособиос дышетонын федерал кун стандартъёсты чакласа дасямын

Со сяна, издательствоын нылпи садэ ветлӥсь пиналъёслы удмурт кылын «Зарни бугор» хрестоматиез поттыны дасяло. Книгаосты Подольскын печатлалозы, выль арозь соос но вуыны кулэ, ватсаз Татьяна Воронова.

Пиналъёслы тямыс книгаен хрестоматия потыны дасяське милям. Со но выль федерал стандартъёсъя, садикъёслэн тоже асьсэлэн стандартъёссы. Хрестоматиын чеберлыко литератураысь произведениос гинэ ӧвӧл, шудонъёс но пыремын
Татьяна Воронова, «Удмуртия» издательствоысь дышетон литературая валтӥсь редактор

Тодэ вайытом, нылпи садын визьнодасьёслы пиналъёсты удмурт кылын дышетон понна «Зарни бугор» сузьетэз 2019-тӥ арын поттӥзы.

Ватсалом, та нуналъёсы удмурт кылъя но литературая учебникъёс федерал лыдметэ пыртыны ӵектэмын шуыса тодмо луиз



Наверх
Вниз