Ижкар-11 °C
4 -тӥ толсур 2020 Удмуртарня
18+

Удмуртиысь 11-тӥ классын дышетскисьёс йылпумъян сочиненизэс вуоно тулыс гожтозы

  • 57
  • 0
Ижкар / Удмуртия
Удмуртиысь 11-тӥ классын дышетскисьёс йылпумъян сочиненизэс вуоно тулыс гожтозы
Туспуктэм: Григорий Фомин

11-тӥ классын дышетскисьёсын йылпумъян сочинениез (изложениез) гожтон дырез эпидемиологи югдур сэрен 2020-тӥ арысь 2-тӥ толсурысь берлолы выжтӥзы. Со 2021-тӥ арын 5-тӥ оштолэзьлэсь вазь уз луы. Со сярысь Удмуртиысь дышетонъя но тодосъя министерстволэн пресс-службаез ивортӥз.

Сыӵе пумкылъян Рособрнадзорен но Калыкез дышетонъя министерствоен соглаштэмын но Россиын коронавирус инфеки вӧлмонэз алонъя оперативной штаблэн кенешоназ умое лыдъямын

11-тӥ классэз быдтӥсьёс понна йылпумъян сочинениез умой гожтон огъя кун экзаменъёсы лэзён луэ. Тазалыксыя сюбегатэм луонлыкъёсын дышетскисьёс сочинение интые изложение гожтыны быгато.

Тодэ вайытом, Удмуртиын пӧртэм классъёсын пиналъёслэсь удмурт кылъя но литературая тодонлыкъёссэс эскерон но дунъян методика пособиосты поттӥзы.



Наверх
Вниз