Ижкар+2 °C
28 -тӥ коньывуон 2021 Покчиарня
18+

Удмурт перепеч «Вкусы России» вожвылъяськонын 10 устоосыз сиёнъёс пӧлы пыриз

  • 873
  • 0
Москва / Россия
Удмурт перепеч «Вкусы России» вожвылъяськонын 10 устоосыз сиёнъёс пӧлы пыриз
Туспуктэм: Алексей Арзамасцев

Улосвыл сиён-юон брендъёсъя «Вкусы России» нырысетӥ йӧскалык вожвылъяськонлы йылпумъянъёсъя Удмуртиысь сиёнъёс, соос пӧлын перепеч, куинь номинациосъя 10 устоосыз пӧлы пыризы. Со сярысь элькун тӧролэн но кивалтэтлэн пресс-службазы ивортӥз.

Вожвылъяськонэз Россиысь гурт возёсъя министерство радъяз. Устооссэ быръён 2020-тӥ арын коньывуонэ кутскиз

Ужрадэ 79 улосвылъёсысь 500-лэсь трос брендъёс пыриськизы. Тямыс номинациос пӧлысь тужгес тодмое «Нас выбирают» луиз. Калыкез куара сётонэ кунын вань улӥсьёс пыриськизы. Удмуртиысь брендъёс 22 сюрс 600-лэсь трос куараос люказы. Та номинациын 10 устоосын пӧлы Ижкарысь бакча сиёнъёслэсь чипсыос пыризы.

Озьы ик Удмуртиысь брендъёс эшшо кык номинациосын 10 устоосыз пӧлы шедизы: «Вкус без границ», кытын экспорт луонлыкен вузъёсты бырйизы, но «Загляните на огонёк», кудаз улосвылэ туристъёсты кыскыны быгатӥсь деликатесъёс ӵошатскизы. Татын утоосыз пӧлын перепечьёс пыризы. Радъясьёс ивортэмъя, соослэн тусъетэнызы банк картаос поттозы.

Оглом «Вкусы России» вожвылъяськонлэн лауреатъёсыз Удмуртиысь укмыс брендъёс луизы

Радъясьёслэн верамзыя, ӵектос Россилэсь аспӧртэм «гастрономической картазэ» кылдытыны луонлык сётӥз.

«Вкусы России» вожвылъяськонэз ортчытон азьланяз кӧня ке ужпумъёсты сэрттыны-пертчыны юрттоз. Со пичи предприятиосын но фермеръёсын сиён-юон поттонэз будэтон, улосвылъёслэсь экспортъя но туризмъя луонлыкъёссэс азинтон но Россиысь брендъёсты вӧлмытон, соосты тодмо карон но басьяськисьёслэсь кулэяськонзэс ӝутон
Дмитрий Патрушев, Россиысь гурт возёсъя министр

Котькуд номинациысь куинь призёръёс Россиысь гурт возёсъя министерстволэн улосвыл брендъёсты азинтонъя ужрадъёсаз пыриськозы. Вожвылъяськонэз котькуд ар ортчытъяны малпало. 

Тодэ вайытом, Удмуртиысь нимысьтыз ужпумъёсъя (спецназ) «Кречет» отрядысь ожчиос нюлэскын тылскем вылын перепеч пыжизы. Рецепт Россиысь Кылкутытонъёсты быдэсъясь федерал ёзэслэн сиён-лэсьтонъя «Готовь как спецназ» книгаяз пыриз. 



Наверх
Вниз