Удмуртиысь трос нылпиё семьяос, кинлэн 2021-тӥ арын 1-тӥ толшорысен 31-тӥ толсурозь куинетӥез яке солэсь тросэтӥез нылпизы вордскоз, улон интызэс умоятыны улосвыл анай капитал басьтыны быгатозы, солэн быдӟалаез 250 сюрс манет луоз. Элькун кивалтэтлэн тӧроеныз Ярослав Семёновен кинюртэм пуктэт улосвыл тӧрлыкъёслэн нимлыко сайтазы шараямын.
Коньдонэз одӥг пол гинэ сётозы. Сое курыны быгатозы семьяос, кудъёсыз азьвыл нылпи вордскем понна Удмуртилэн коньдэтысьтыз 300 сюрс манетъем мерлыко тыронэз ӧз на басьялэ. Со сяна, семьялэн улон интыез адямилы быдэ 18 квадрат метрлэсь бадӟым луыны кулэ ӧвӧл.
Улосвыл анай капиталэз быдтыны луоз:
Коньдонэз басьтон понна куинетӥез яке солэсь тросэтӥез нылпи вордскем бере куать толэзь ӵоже МФЦ-е яке «Центр жилищных инициатив» ужъюртэ вазиськыны кулэ.
Тодэ вайытом, азьвылгес улосвыл анай капиталлэн быдӟалаез 240 сюрс манет луоз шуыса веразы вал.