Ижкар-1 °C
26 -тӥ толшор 2021 Пуксён
18+

Удмурт продакшен-студия кылдытоз Удмуртиысь егитъёслэн «Куара» ресурс центрзы

  • 111
  • 0
Ижкар / Удмуртия
Удмурт продакшен-студия кылдытоз Удмуртиысь егитъёслэн «Куара» ресурс центрзы
Туспуктэм: Алексей Арзамасцев

Удмурт егитъёслэн «Куара» ресурс центр» огазеяськонзы удмурт продакшен-студия кылдытыны малпа. Кулэ тӥрлык улосвыл тӧролэн «Признание» премиез чотын басьтозы. Со сярысь ивортодэтъя «Удмуртия» агентстволы огазеяськонлэн кивалтӥсез Владислав Степанов вераз.

Ми нимамы сое продакшен-студия – со видео лэсьтон, подкастъёс но, ваньмыз умой луиз ке, документальной фильм но азьланяз. <…> Ӟеч контент лэсьтон понна кулэ умой оборудование но, помещение но нимаз. Ваньмыз пӧрмиз ке, азьланяз быгатомы ни ужаны ӵапак вылӥ ӟечлыко контент бордын, малпасько, со тросгес луоз
Владислав Степанов, «Куара» ресурс центрлэн кивалтӥсез

Удмурт кылын видеоужъёсты «Ютубе» но мерлыко вотэсъёсы поттозы. Владислав Степановлэн верамезъя, нырысь ик соос ужась егитъёслы, студентъёслы чакламын луоз.

Нырысь ик со луоз интеллектуальной контент. Малы ке шуоно <…> ми быгатомы сое вить ар ортчыса но учкыны и солэн ӟечлыкез кылёз, кылёз на солэн кужымез, шуом
Владислав Степанов, «Куара» ресурс центрлэн кивалтӥсез

Тодэ вайытом, «Куара» огазеяськон Удмуртиын 2018-тӥ арын кылдӥз. Егитъёс удмурт кыллы но литературалы сӥзем видеолекциос гожтон бордысен кутскизы. Берлогес ресур центр бордын «Аныкай» медиашкола, удмурт блогеръёслы школа«Тамга» видеошкола радъязы, «Ныло-пиё» подкастъёс гожъяны ӧдъязы, удмурт кылъя видеокурсъёс поттӥзы.

Ватсалом, «Призннание» премиен эшшо одӥгзэ бадӟым удмурт ӵектосэз – «Чеберай» марафонэз – пусйизы



Наверх
Вниз