Ижкар-1 °C
26 -тӥ толшор 2021 Пуксён
18+

Анай капиталлэсь быдӟалазэ Россиын 3,7 процентлы будэтӥзы 2021-тӥ арын

  • 53
  • 0
Ижкар / Удмуртия
Анай капиталлэсь быдӟалазэ Россиын 3,7 процентлы будэтӥзы 2021-тӥ арын
Туспуктэм: Григорий Фомин

2021-тӥ арын 1-тӥ толшорысен анай капиталлэн быдӟалаез 3,7 процентлы будӥз. Со сярысь Россиысь Пенси фондлэн Удмуртиысь ёзэтэзлэн пресс-службаез ивортӥз.

Нырысетӥ нылпилы тыриськонлэн быдӟалаез 466 сюрс 617 манетысь 483 сюрс 881 манет 83 коньыозь йылӥз, кыкетӥ нылпилы – 616 сюрс 617 манетысен 639 сюрс 431 манет 83 коньыозь

Семья анай капиталэз нырысетӥ нылпиез понна басьтӥз ни ке, кыкетӥез понна ватсэтлэн быдӟалаез 155 сюрс 550 манет луоз. Семья коньдонлэсь оглюкетсэ азьвылгес быдтӥз ни ке, кылемез озьы ик 3,7 процентлы йылоз.

Пенси фондлэн Удмуртиысь ёзэтэз анай капиталлы сертификатэз вить ужан нуналскын сётэ. Коньдонэз кутон сярысь куриськонэз эскеронлы табере троссэ 10 нунал висъяське. Но фондлэн улосвыл ёзэтъёсызлэн куронэзлы кулэ валэктонъёс мукет удысэтъёсысь дыраз ӧз ке вуэ, висъям дыр 15 но 20 нуналозь будыны быгатоз.

Анай капиталэз кутон сярысь куриськонэз Кун юрттӥськетъёсъя огъя портал яке Россиысь Пенси фондлэн сайтысьтыз кунмуртлэн ас кабинетэз пыр сётыны луэ.

Тодэ вайытом, Удмуртиын трос нылпиё семьяос 2021-тӥ арын улосвыл анай капитал басьтыны быгатозы



Наверх
Вниз