Ижкар-1 °C
26 -тӥ толшор 2021 Пуксён
18+

Удмуртиысь 103 семьяос улон интыен югдурзэс федерал программая умоятӥзы 2020-тӥ арын

  • 47
  • 0
Ижкар / Удмуртия
Удмуртиысь 103 семьяос улон интыен югдурзэс федерал программая умоятӥзы 2020-тӥ арын
Туспуктэм: Руслан Нуриахметов

2020-тӥ арын Удмуртиысь 103 семьяос егит семьяос улон интыез умоятонъя кун программая чотын улон интыя ужпумъёссэс сэрттыны-пертчыны быгатӥзы. Со сярысь элькун тӧролэн но кивалтэтлэн пресс-службазы ивортӥз.

Юрттэт выль корка пуктыны яке басьтыны мерлыко тыриськон радын сётӥське. Нылпитэм семьяослы – улон интылэн шоро-куспо дунызлэсь 30 процент быдӟалаез, ныло-пиё семьяослы – 35 процент.

Удмуртиысь лэсьтӥськонъя, жилищно-коммунальной возёсъя но дыкужымъя министрлэн Дмитрий Сурнинлэн верамезъя, 2020-тӥ арын егит семьяослы федерал но элькун коньдэтъёсысь оглом 61 миллион манет тыр мерлыко тыриськонъёс висъязы. 

Со семьяослы улон инты басьтыкузы ас коньдон тыронзэс кулэстыны луонлык сётӥз. Соос пӧлын трос нылпиё 51 семьяос, 21-ез - анайтэк яке атайтэк семьяос. Соослы юрттэт туж кулэ вал, валамон ини, улон интызэс туэ умоятыны чакласьёслы сямен ик. Лыдметэ 69 семья пыртэмын ини
Дмитрий Сурнин, Удмуртиысь лэсьтӥськонъя, жилищно-коммунальной возёсъя но дыкужымъя министр

Туэлы кылдытэм лыдметысь тросэз семьяос гуртъёсын уло. Озьы та программа гуртъёсты азинтыны юрттэт но луэ. Эшшо ик 2021-тӥ арын, куке элькунамы Гуртлэн арез ялэмын.

2020-тӥ но 2021-тӥ аръёсы программае пыриськись семьяослэн лыдзыя азьпалан Пичи Пурга но Вавож ёросъёс мыно

Та дыре Удмуртиысь ёрос администрациосын егит семьяослэсь программае 2022-тӥ арын пыриськон понна куриськонъёссэс куто. Соосты 2021-тӥ арын 1-тӥ куарусёнозь басьтозы.

Пусъём, программае пыриськон понна семья улон интызэс паськытатыны кулэяськисен лыдъямын луыны кулэ. Со сяна, арлыдъя но сюбегатонъёс вань – кыкназы ик кузпалъёс яке пиналъёссэс оген будэтӥсь анайёс яке атайёс 35 ареслэсь бадӟым луыны кулэ ӧвӧл. 



Наверх
Вниз