Ижкар-18 °C
26 -тӥ тулыспал 2021 Удмуртарня
18+

Герд лыдӟонъёс Удмуртиын 24-тӥ тулыспалэ ортчозы

  • 419
  • 0
Ижкар / Удмуртия
Герд лыдӟонъёс Удмуртиын 24-тӥ тулыспалэ ортчозы
Туспуктэм: Майя Бывальцева

2021-тӥ арын Герд лыдӟонъёс 24-тӥ тулыспалэ ортчозы. Со сярысь «Удмурт Кенеш» огазеяськонлэн тӧроез Татьяна Ишматова «ВКонтакте» мерлыко вотэсысь бамаз ивортӥз.

16-тӥ тулыспалэ Татьяна Ишматова огазеяськонлэн выль вице-президентъёсынызы нырысетӥ пумиськон ортчытӥз. Соос Герд лыдӟонъёсты радъян пумысен кенешизы.

Ужрад борды чӧлсконпусъя итӥськыны луоз. 

Конференцилэн радлыкез:

11:00-11:15 – «Удмурт Кенеш» огазеяськонлэн тӧроезлэн Татьяна Ишматовалэн вазиськонэз;
11:15-11:20 – «Музей – тодонлыкез утись» (Вавож ёросысь Партчи (Гурезь-Пудга) гуртысь Кузебай Гердлэн музей-юртэзлэн возьматонэз);
11:20-11:45 – «Кузебай Гердлэн улон сюресысьтыз выль бамъёсыз», Александр Шкляев – кылосубр тодосъя кандидат, Удмурт кун университетысь журналистикая кафедраысь доцент;
11:45-11:50 – Кузебай Герд нимо йӧскалык гимназиын дышетскисьёс кылбуръёс лыдӟозы;
11:50-12:05 – «Кузебай Герд но берыктон удыс: шедьтонъёс но ыштонъёс», Вера Пантелеева – кылосбур тодосъя кандидат, Москваысь Литература институтысь доцент);
12:05-12:10 – Кузебай Герд нимо йӧскалык гимназиын дышетскисьёс кылбуръёс лыдӟозы;
12:10-12:20 – «Кузебай Герд но удмурт театрлэн кутсконэз», Ева Тулуз, философияя доктор (Эстония);
12:20-12:25 – Кузебай Герд нимо йӧскалык гимназиын дышетскисьёс кылбуръёс лыдӟозы;
12:25-12:35 – «Кузебай Гердлэн финн тодосчиосын творческой кусыпъёсыз», Томи Койвунен (Ижкар – Турку, Финляндия);
12:35-12:45 – «Кузебай Герд венгер кылын» - Жужанна Шаланки – философияя доктор, Венгриысь Будапештысь Этвёша Лоранда нимо университет);
12:45-12:55 – «Историысь чуръёсты берыкъяса», Кузебай Герд нимо йӧскалык музейлэн возьматонэз;
12:55-13:00 – ужрадэз йылпумъян.

Тодэ вайытом, Кузебай Гердлэн творчествоезлы сӥзем конференци онлайн амалэн ортчоз, отчы Удмуртиысь но кунгож сьӧрысь тодосчиос пыриськозы. Нош «Удмурт Кенешлэн» тӧроезлы воштӥсьёсты Пичи кенешлэн пумиськоназ бырйизы



Наверх
Вниз