Ижкар-18 °C
26 -тӥ тулыспал 2021 Удмуртарня
18+

Быдӟым Атыкай оже пыриськемъёслы 1 сюрс пала синпелетъёс доры сяськаос понозы Удмуртиын 23-тӥ тулыспалэ

  • 359
  • 0
Ижкар / Удмуртия
Быдӟым Атыкай оже пыриськемъёслы 1 сюрс пала синпелетъёс доры сяськаос понозы Удмуртиын 23-тӥ тулыспалэ
Туспуктэм: Руслан Нуриахметов

23-тӥ тулыспалэ «Защитим память героев» огъяросси акци (0+) улсын Удмуртиын Быдӟым Атыкай оже пыриськемъёслы сӥзем 1 сюрс пала синпелетъёс доры сяськаос понозы. Ужрад борды «Единая Россия» партилэн азьветлӥсьёсыз, волонтёръёс но мер огазеяськонъёслэн ыстэм муртъёссы пыриськозы. Со сярысь элькун тӧролэн но кивалтэтлэн пресс-службазы ивортӥз.

«Защитим память героев» акцилэн ужпумез – Быдӟым Атыкай ожын нюръяськемъёслы тау карон.

23-тӥ тулыспалэ милям вань активмы, кунмуртъёс, мер ужасьёс, вань ёзъёсысь депутатъёс но, валамон, Кун Думаысь «Единая Россия» фракциысь депутатъёс, вормисьёслэн поколениенызы ӵош луэмзэс возьматыса, кунысь вань улосвылъёсысь но муниципалитетъёсысь обелискъёс, мемориалъёс, вынлыко шайвылъёс доры сяськаос понозы
Сергей Неверов, Кун Думаысь «Единая Россия» фракцилэн кивалтӥсез

Ужрадэ «Единая Россия» партилэн улосвыл ёзэтэзлэн 2 сюрс пала азьветлӥсьёсыз пыриськозы.

«Волонтёры Победы» улосвыл ёзэтлэн ёзчиосыз 100 мемориалъёс доры сяська пононэз радъялозы, акцие 210 пала волонтёръёс кыскемын луозы. Акци борды трогес егитъёслэн итӥськемзы туж кулэ шуыса малпасько. Со выжыосмылы, «Вормисьёслэн поколенизылы», тау каронмы, соослэсь подвигзэс тодамы воземмы
Роман Санников, «Волонтёры Победы» огъяросси движенилэн Удмуртиысь ёзэтэзлэн кивалтӥсез

Тодэ вайытом, Якшур-Бӧдья ёросысь Кекоран черкогуртын Ижкар – Балезино чугун сюресэз усьтэм дырысен 76 ар тырмонэз пусйизы



Наверх
Вниз