Ижкар-18 °C
26 -тӥ тулыспал 2021 Удмуртарня
18+

Анай кыллэн нуналэзлы но «Вуюись» газетлэн котырес лыдпусэзлы сӥзем ужрад ортчытӥзы Дэри ёросын

  • 358
  • 0
Юсь / Удмуртия
Анай кыллэн нуналэзлы но «Вуюись» газетлэн котырес лыдпусэзлы сӥзем ужрад ортчытӥзы Дэри ёросын
Туспуктэм: vk.com (Лидия Биянова)

Дэри ёросысь Юсь школаын Анай кыллэн калыккуспо нуналэзлы но «Вуюись» газетсылы 10 ар тырмонлы сӥзем ужрад ортчытӥзы. Со сярысь ивортодэтъя «Удмуртия» агентстволэн корреспондентэзлы Юсь черкогуртысь шор ёзо школаысь покчи классъёсты дышетӥсь, ужрадэз нуись Елена Иванова вераз.

Ужрадэ «Вуюисе» гожъяськись юнкоръёс, озьы ик газетлэн котырес лыдпусэзлы сӥзем сочинениосъя конкурсэ пыриськем Пичи Пурга ёросысь Бобья-Уча гуртысь пиналъёс вуылӥзы. Пумиськонын кырӟазы, Удмуртиез, газетэз тодэм сярысь шудон-викторина ортчытӥзы. Тужгес мыло-кыдоосыз кузьымъёс басьтӥзы. 

Пиналъёсты ӟечкыланы «Удмурт Кенеш» огазеяськонлэн Дэри ёрос ёзэтэзлэн тӧроез Лидия Биянова, «Ӟечбур!» газетысь корреспондентъёс Алеся Главатских но Светлана Ерёмина, «Пригородные вести» ёрос газетлэн удмурт кылын «Ӟардон» ватсэтэзлэн корреспондентэз Анна Трубачева ветлӥзы.

Пиналъёс шумпотӥзы. Соос удмурт кылын гожъясько, соосты печатлало, сомында пӧртэм газетъёсын соослэн статьяоссы пото. Нош татын корреспондентъёс лыктӥзы, соослы тау шуыны шуыса
Елена Иванова, Юсь шор ёзо школаысь покчи классъёсты дышетӥсь

«Вуюись» школа газетэз 10 ар талэсь азьло удмурт кылъя но литературая дышетӥсьсы Пётр Давыдов кылдытӥз. Газет быдэсак удмурт кылын потӥз. Отчы трос гинэ пиналъёс гожъяськизы.

Елена Ивановалэн верамезъя, «Вуюись» газетсы толэзьлы кык пол, та дыре удмурт но, ӟуч но кылъёсын, потэ. Пиналъёс отчы туж мыло-кыдо гожъясько. Бӧрысь ужъёссэс ёрос но элькун газетъёсы ысъяло. 



Наверх
Вниз