Ижкар-18 °C
26 -тӥ тулыспал 2021 Удмуртарня
18+

Ингушетиысен Тюменёзь: Грак ёросын Анай кыллэн калыккуспо нуналэзлы паськыт акция ортчыто

  • 334
  • 0
Грак / Удмуртия
Ингушетиысен Тюменёзь: Грак ёросын Анай кыллэн калыккуспо нуналэзлы паськыт акция ортчыто
Туспуктэм: видеоысь скриншот (vk.com (Василиса Вершинина))

Грак ёрос лыдӟетъюртын Анай кыллэн калыккуспо нуналэз азьын «Я читаю на родном языке» акция ялӥзы. Отчы Россиысь трос гинэ улосвылъёсысь пыриськисьёс люкаськизы ини. Со сярысь ивортодэтъя «Удмуртия» агентстволэн корреспондентэзлы лыдӟетъюртысь калыклэсь кулэяськонзэ быдэстонъя но методика ужанъя ёзэтлэн кивалтӥсез, акциез радъясь Ирина Красильникова вераз.

Ужрадлэн ужпумез – Россиын улӥсь калыкъёслэсь кылзэс азинтон но вӧлмытон

Туннэ нуналлы акцие Удмуртиысь, Самара, Тюмень, Свердловск, Челябинск, Оренбург улосвылъёсысь, Башкириысь, Татарстанысь, Мордовиысь, Марий Элысь, Ингушетиысь но Белоруссиысь 95 видеоужъёс вуизы ини. Пыриськисьёс удмурт, ӟуч, бигер, башкир, кряшен, ингуш, авар, чуваш, пор, мордва, армян, коми, казах но белорус кылъёсын кылбуръёс лыдӟо.

Ми малпам вал, ужрадамы бускель улосвылъёс, Татарстанысь, Марий Элысь пыриськозы шуыса, но йырамы ик ӧй вал акцимы огъяросси сямен ортчоз, Ингушетиын но ми сярысь тодозы шуыса. Соос уг но тодо, дыр, кытын Грак библиотека но интыяськемын
Ирина Красильникова, Грак ёрос библиотекаысь калыклэсь кулэяськонзэ быдэстонъя но методика ужанъя ёзэтлэн кивалтӥсез

Радъясь пусъё, акцизы мерлыко вотэсъёсын ивортонъёслы луыса сыӵе паськыт вӧлмиз, дыр, шуыса. Отчы нылпи садэ ветлӥсь тэшкылиос но, арлыдоос но ужъёссэс ысто. Ирина Красильниковалэн кылъёсызъя, тросэз удмурт, бигер, чуваш кылъёсын кылбуръёс лыдӟо, ӧжытэзгес – ӟуч.

Мыным потэ, асьсэлэсь аспӧртэм кылзэс возьматыны тыршо
Ирина Красильникова, Грак ёрос библиотекаысь калыклэсь кулэяськонзэ быдэстонъя но методика ужанъя ёзэтлэн кивалтӥсез

Ужрад 22-тӥ тулыспалозь мыноз на. Отчы пыриськон понна анай кылын кылбур лыдӟемез видеое гожтоно, сое мерлыко вотэсысь баме интыяно. Но нырысь ик акцилэн куронъёсыныз тодматскыны кулэ. Вань пыриськисьёслы радъясьёс сертификатъёс ыстозы. 

Акцие вуэм куд-ог ужъёс:




Тодэ вайытом, Дэри ёросысь Юсь школаын Анай кыллэн калыккуспо нуналэзлы но «Вуюись» газетсылы 10 ар тырмонлы сӥзем ужрад ортчытӥзы



Наверх
Вниз