Ижкар-18 °C
26 -тӥ тулыспал 2021 Удмуртарня
18+

18 азбаръёсты но ньыль мер интывылъёсты умоятозы Ижкарын 2021-тӥ арын

  • 297
  • 0
Ижкар / Удмуртия
18 азбаръёсты но ньыль мер интывылъёсты умоятозы Ижкарын 2021-тӥ арын
Туспуктэм: Алексей Арзамасцев

2021-тӥ арын Ижкарын 18 азбаръёсты но ньыль мер инытвылъёсты умоятозы. Ужъёслы 180 миллион 800 сюрс манет быдтыны чакламын. Со сярысь кар администрацилэн пресс-службаез ивортӥз.

Висъям коньдонлэн 49 процентэз мер инытвылъёсты умоятыны мыноз. Карын улӥсьёс соос куара сётыса бырйизы – Шор площадьлэн эспланадаез (Карл Маркс нимо ульчаысен Красной ульчаозь), Телегин нимо ульчаысь «Заречной» сквер, 31 номеро школа но искусствоосъя 9 номеро школа вискысь «Школьный» сквер, Киров нимо ульчаысь Нылпи творчествоя юрт котырысь интывыл (нырысетӥ люкетэз).

Та дырлы куинь мер интывылъёсын но 18 азбаръёсын ужъёсты быдэстӥсьёсты бырйизы ни. Умоятон оштолэзь пумын – куартолэзь кутсконын ӧдъялоз. Ужъёсты куарусёнэ йылпумъяны малпало

Со сяна, «Тишино» паркез, Ворошилов нимо ульчаысь нюлэсо интыез умоятонэз азинтыны но Кызьпу арамалы ӵектосъёс лэсьтозы.

Кылем арын «Формирование комфортной городской среды» федерал ӵектосъя 271 миллион 500 сюрс манет тыр 15 мер интывылъёсты но 28 азбаръёсты умоятӥзы. Коньдон Россилэн азьмуртэныз Владимир Путинэн кичӧлтэм «Жильё и городская среда» йӧскалык ӵектосъя висъяськиз.

Ватсалом, «Пешеходный Ижевск» ӵектосъя 2021-тӥ арын Удмуртилэн шоркараз 63 тротуаръёсты тупатъялозы. Ужъёслы элькун коньдэтысь 100 миллион манет висъязы. 



Наверх
Вниз