Ижкарын Калыкъёслэн эшъяськон юртазы Анай кыллэн калыккуспо нуналэзлы «Родной язык – душа народа» адӟытон усьтӥськиз. Со сярысь ужъюртлэн пресс-службаез ивортӥз.
Возьматонэ Удмуртиысь йӧскалык библиотекалэн но элькунысь лулчеберетъя йӧскалык огазеяськонъёслэн фондъёсысьтызы изданиос пыризы
Учкисьёсты шаерамы улӥсь калыкъёслэн кылъёсынызы гожтэм чеберлыко литературен, со пӧлын нылпи прозаен но кылбуретэн, дышетон но ивортодэт литератураен тодматозы. Озьы ик адӟытонын священной книгаос луозы: удмурт но армян кылъёсы берыктэм Библия, бигер но азербайджан кылъёсын Коран но Тора.
Экспозиция 28-тӥ тулыспалозь ужалоз
Адӟытонэ сюрон понна 8 (3412) 63-10-62 телефон номеръя гожтӥськыны кулэ.
Тодэ вайытом, Грак ёросын Анай кыллэн калыккуспо нуналэзлы акция ортчыто. Ужрадэ Ингушетиысен Тюменёзь пыриськисьёс люкаськизы.