Ижкар+7 °C
16 -тӥ оштолэзь 2021 Удмуртарня
18+

Быдэс Удмуртиысь нылкышноосты праздникен ӟечкылалозы 8-тӥ южтолэзе

  • 403
  • 0
Ижкар / Удмуртия
Быдэс Удмуртиысь нылкышноосты праздникен ӟечкылалозы 8-тӥ южтолэзе
Туспуктэм: Григорий Фомин

8-тӥ южтолэзе Удмуртиысь вань нылкышноосты офлайн но онлайн амалэн праздникен ӟечкылалозы. Со сярысь элькун тӧролэн но кивалтэтлэн пресс-службазы ивортӥз.

Ужрадъёслэн нимлыко улосвыл хешетегзы - #ДляВаслюбимые18

Праздник эм ужасьёсты ӟечкыланэн кутскоз. 10 часын эмчиос-волонтёръёс 1 номеро элькун эмъяськоннилэн перинатальной центраз вуылозы но эмчиослы но вуоно анайёслы сяськаос кузьмалозы.

Удмуртиысь доброволецъёс но студотрядъёслэн ёзчиоссы нылкышноосты Ижкарысь Шор площадьын но Киров нимо паркын ӟечкылалозы, нош юнармеецъёс «Аксион-Холдинг» мотозаводэ но Электрмоеханикая «Купол» заводэ пырон азьын кышномуртъёслы сяськаос сётъялозы. Со сяна, 12 часын паркын шулдыръяськон но концерт кутскоз.

«Огъя Россия» партилэсь депутатъёс нимысьтыз висъям трос нылпиё анайёслы, эм ужасьёслы, дышетсконниосын но мер огазеяськонъёсын ужасьёслы сяськаос но ческыт кузьымъёс сётозы.

Дышетскисьёслэн огъяросси движенизы «Завтрак для любимых» ужрад ортчытоз. Анайёс, песянайёс, сузэр-апайёс понна аспӧртэм яке йӧскалык сиён пӧрано но видеоез рдш.рф сайтэ яке мерлыко вотэсъёсы #ЗавтракДляЛюбимых #8марта хештегъёсын поттоно.

Удмуртиысь егитъёслэн центрзы но Асмылкыдчиослы юрттонъя ресурсной центр нылкышноосты мерлыко вотсэъёсын ӟечкыланы ӵекто. Со понна «Инстаграмын» #ВамЛюбимые хештеген ӟечкылан интыяно.

Тодэ вайытом, Удмуртиысь пӧртэм удысъёсын азинлыко ужась нылкышноослы балет кузьмазы



Наверх
Вниз