Ижкар+12 °C
10 -тӥ куартолэзь 2021 Вордӥськон
18+

Удмуртиысь 300 пала ӵектосъёс «Наша инициатива - 2021» вожвылъяськонын вормизы

  • 319
  • 0
Ижкар / Удмуртия
Удмуртиысь 300 пала ӵектосъёс «Наша инициатива - 2021» вожвылъяськонын вормизы
Туспуктэм: Удмуртиысь тӧролэн но кивалтэтлэн тӧроез

24-тӥ южтолэзе Удмуртиын мер инфраструктураез азинтонъя ӵектосъёсты быръёнъя ӧрилэн кенешонэз ортчиз. Отын «Наша инициатива - 2021» вожвылъяськонэ 332 пыриськемъёс пӧлысь 293 вормисьёсты шараязы. Соосты туэ быдэстон понна элькун коньдэтысь софинансирование чотын уксё висъялозы. Со сярысь элькун тӧролэн но кивалтэтлэн пресс-службазы ивортӥз.

Конкурслэн ӧриезлэн кивалтӥсез, Удмуртиысь кивалтэтлэн тӧроезлэн воштӥсез Анатолий Строков туэ вожвылъяськонын вормисьёс, кылем арен ӵошатыса, 20 процентлы тросгес луизы шуыса пусйиз.

Муниципал ёросъёслэн, кар но гурт поселениослэн конкурссыя 166 ӵектосъёс вормизы но кар округъёслэн конкурсазы – 127 ӵектосъёс
Анатолий Строков, Удмуртиысь кивалтэтлэн тӧроезлэн воштӥсез, «Наша инициатива - 2021» конкурслэн ӧриезлэн кивалтӥсез

Ӵектосъёслэн оглом дунзы 209 миллион манет. Элькун коньдэтысь 180 миллион манет висъяны чакламын.

Коньдон ужпумъёсъя дышетонъя центрлэн кивалтӥсез Наталья Симкина субсидиос кык ӧръёсъя висъяськозы шуыса пусйиз. Кар ӧрлы – 40 процентсэ яке 72 миллион манет сётозы, гурт ӧрлы – 60 процентсэ яке 108 миллион манет.

Конкурсын ӵектосъёсты таӵе куронъёсъя эскеризы: калыклэн кенешонъёсы пыриськемез, калыклэн но спонсоръёслэн коньдон висъямзы, ӵектосэн тодматон понна ивортодэт вӧлмытӥсьёсты но мукет амалъёсты уже кутон, калыклэн ужен юрттӥськемез. 

Куинетӥ арзэ ини тужгес тросэз ӵектосъёс сюресъёсты тупатъянэн, нылпиослы площадкаос пуктонэн но спортъя огъетъёс лэсьтонэн герӟаськемын

2021-тӥ арын вожвылъяськонын вормисьёс пӧлысь тужгес тунсыко ӵектосъёс Вотка ёросысь Перевозной черкогуртысь «Лавка купца Базуева» музей-юртэз тупатъян, Шаркан ёросысь Гондырвай гуртысь ошмесэн выльдон луо. Перевознойын музей усьтӥськемлы луыса туристъёслэн лыдзы йылоз, историез утьыны интызы кылдоз. Нош Гондырвайын ошмесэз котыртозы, купель лэсьтозы, ошмес доры вуттӥсь выжез тупатъялозы.

Пусъём, Удмуртиын кичӧлтонъёсты быдэстыны коньдон висъянъя (инициативной бюджетирование) программаез 2019-тӥ арын мытӥзы. 2020-тӥ арын отчы 244 куриськонъёс вуизы, ваньзы ик вормисе потӥзы. Соосты быдэстон понна элькун коньдэтысь софинансирование чотын 150 миллион манет пала коньдон висъязы. 



Наверх
Вниз