Ижкар+12 °C
10 -тӥ куартолэзь 2021 Вордӥськон
18+

Удмуртилэн азьвыл тӧроез пытсэт сьӧрысь потӥз

  • 178
  • 0
Ижкар / Удмуртия
Удмуртилэн азьвыл тӧроез пытсэт сьӧрысь потӥз
Туспуктэм: Руслан Нуриахметов

30-тӥ южтолэзе Удмуртилэсь азьвыл тӧрзэ 70 аресъем Александр Соловьёвез пытсэт сьӧрысь лэзизы. Со сярысь Кылкутытонъёсты быдэсъятӥсь федерал ёзэслэн элькунъя управлениезлэн пресс-службаез ивортӥз.

Азьвылгес Дэри ёрос суд Александр Соловьёвлэсь секыт висеменыз валче кылкутонлэсь мозмытон сярысь куронзэ быдэстӥз.

Тодэ вайытом, 2020-тӥ арын 12-тӥ коньывуонэ Дэри ёрос суд Удмуртилэсь азьвыл тӧрозэ 10 арлы чурыт режимен ужась колоние пытсэт сьӧры келяны но бадӟым штраф тырыны пумкыл кутӥз. Александр Соловьёв Удмуртиысь Вылӥ судэ апелляционной ӝожтӥськон сётӥз, но пумкылэз воштытэк кельтӥзы.

Удмуртилэсь азьвыл тӧрозэ 2017-тӥ арын 4-тӥ оштолэзе ӝегатӥзы. Сое Кам но Буй шуръёс вамен выжъёсты лэсьтӥсь компаниослэсь 139 миллион манет взятка басьтэмен, коммерци огазеяськонлэсь 2 миллион 700 сюрс манет сылӥсь люкетсэ басьтэмен, озьы ик солы ваньбурен герӟаськем кадастр юрттӥськетэз катэз тӥяса сётӥзы шуыса янгыше уськытӥзы



Наверх
Вниз