Ижкар+1 °C
13 -тӥ оштолэзь 2021 Пуксён
18+

Удмуртиын калыкен герӟет возён понна платформа кылдытӥзы

  • 499
  • 0
Ижкар / Удмуртия
Удмуртиын калыкен герӟет возён понна платформа кылдытӥзы
Туспуктэм: Руслан Нуриахметов

«Цифровая экономика России» йӧскалык ӵектослэсь «Цифровое государственное управление» федерал программазэ быдэсъян улсын Удмуртиын калыкен герӟет возён понна платформа кылдытӥзы. Со сярысь улосвыл тӧролэн но кивалтэтлэн пресс-службазы ивортӥз.

Со платформа калыклэн вазиськонъёсынызы ужанэз радъяны, ужпумъёсты сэрттон-пертчонэз эскерыны, шаерамы улӥсьёс понна лэчыт ужпумъёсъя онлайн амалэн юалляськонъёс радъяны, интыосысь ужпумъёсъя кенешыны луонлык сётэ.

Элькунын улӥсьёс кун но муниципал ёзэсъёсы вазиськонъёссэс Госуслуги но «Госуслуги. Жалобы» мобильной ватсэт пыр келяны быгато. Ним вылэ (кылсярысь «Подать обращение» виджет) зӥбыса, экранын авторизоваться кариськыны ӵектон усьтӥське, собере вазиськонэз гожтыны возьматос (форма) усьтӥськоз. «Опишите ситуацию» укноын ужпум сярысь верано, туспуктэмъёс яке ужкагазъёс ватсаны луоз. «Дополнительная информация» люкетын улосвылэз, ужпумлэсь категоризы бырйыны кулэ. Собере ужпумлэсь подкатегоризэ быръёно, ужпумъя адресэз гожтоно (луоз картаез уже кутыны). Вазиськонэз гожтӥсь «Я соглашаюсь с правилами подачи обращения» чурез пусъёно но «Отправить» кнопкаез зӥбоно. Вазиськонэз эскероно улсын адямилы Госуслуги порталысь ас кабинетаз ивортонъёс вуозы.

Куара сётон амал сюресъёсты лэсьтон-тупатъян, музъемез уже кутон, котырез утялтон-умоятон, интыысь коньдэтэз люкылон ужпумъёсты сэрттон-пертчон ласянь герӟаськыса ужаны юрттэ.

Юалляськонэ яке ужпумъя кенешонэ пыриськон понна кун но муниципал тӧрлыкъёслэн сайтазы «Общественное голосование» виджетын «Участвовать» кнопкаез зӥбоно. 



Наверх
Вниз