Ижкар+1 °C
13 -тӥ оштолэзь 2021 Пуксён
18+

Константин Яковлевлы буре ваён пул усьтӥзы Алнаш ёросын

  • 491
  • 0
Кузёбай / Удмуртия
Константин Яковлевлы буре ваён пул усьтӥзы Алнаш ёросын
Туспуктэм: Удмуртиысь Кун Кенешлэн пресс-службаез

31-тӥ южтолэзе Алнаш ёросысь Кузёбай гуртысь школаын н удмурт гожъясьлы, удмурт автономиез кылдытӥсьёс пӧлысь огезлы Константин Яковлевлы буре ваён пул усьтӥзы. Сиё-дано ужрадэ Удмуртилэн Кун Кенешысьтыз тодосъя, дышетонъя, лулчеберетъя, туризмъя но йӧскалык политикая ялан ужась ӧрилэн тӧроез, дышетӥсьёс но тодосчиос, ёрос администрациысь, «Удмурт Кенеш» огазеяськонысь ыстэм муртъёс пыриськизы. Со сярысь улосвыл парламентлэн пресс-службаез ивортӥз.

Озьы ик 2004-тӥ арысен Константин Яковлевлэсь нимзэ нуллӥсь школаын гожъясьлы сӥзем книгаен тодматон ортчиз.

Туж умой, сюлме пыӵась пумиськон ортчиз Кузёбай гуртын, кытын асьме кунлыкмылы огезлы инъет кылдытӥсьлы Константин Сергеевич Яковлевлы сӥзем книгаен тодматон радъяськиз. Кема дырлы солэн нимыз вунэтэмын. Кузебай Гердэн одӥг нуналэ сое ӝегатӥзы, собере ыбизы… Кыӵе умой, улосчиосыз со паймымон быгатӥсь но визьмо адями сярысь тодэ ваёнъёсты утиллям шуыса
Татьяна Ишматова, Удмуртилэн Кун Кенешысьтыз тодосъя, дышетонъя, лулчеберетъя, туризмъя но йӧскалык политикая ялан ужась ӧрилэн тӧроез

Константин Яковлев удмуртъёслэсь нырысетӥ огъяросси ӧтчамзэс ортчытыны кичӧлтӥсьёс но радъясьёс пӧлын вал. Со пумиськонын удмурт калык РСФСР-е ас мылкыдызъя пыроз шуыса пумкылъян кутӥзы. Отын ик удмурт кунлыкез кылдытон, Наркомнацын удмуртъёслэн ужъёссыя комиссариатлэн ужамез, ужрадъянэз удмурт кылын нуон, книга, газет поттон ужпумъёсты эскеризы.

1932-тӥ арын 17-тӥ куартолэзе Константин Яковлевез Кузебай Гердлэн ужезъя ӝегатӥзы но судъязы. 1937-тӥ арын 1-тӥ шуркынмонэ, Кузебай Гердэн одӥг нуналэ, Словецкой шормуӵъёсын, Сандормох урочищеын, ыбизы. Чылкыт нимзэ 1956-тӥ арын берыктӥзы.

Тодэ вайытом, 2020-тӥ арын Глазкарын Иосиф Наговицынлы сӥзем буре ваён пул усьтӥзы



Наверх
Вниз