Ижкар+1 °C
13 -тӥ оштолэзь 2021 Пуксён
18+

Ашальчи Оки нимо ёрос премиен пусъён ужрад ортчиз Гракын

  • 476
  • 0
Грак / Удмуртия
Ашальчи Оки нимо ёрос премиен пусъён ужрад ортчиз Гракын
Туспуктэм: vk.com (Виктор Белов)

2-тӥ оштолэзе Гракын Ашальчи Оки нимо ёрос премилэсь выль лауреатъёссэ пусйизы. Сяме пырем сӥё-дано ужрад ёросысь шаертодонъя музейын ортчиз. Со сярысь муниципал кылдытэтлэн тӧроез Виктор Белов «ВКонтакте» мерлыко вотэсысь бамаз ивортӥз.

2021-тӥ арын премилэн лауреатъёсыз луизы:

- Зоя Белова – «Верхнеигринское» муниципал кылдытэтысь ветеранъёслэн огазеяськонзылэн кивалтӥсез;

- Елена Маркина – «Сельская новь» ёрос газетлэн валтӥсь редакторез;

- Елена Минеева – Каменной гуртысь начальной школаысь дышетӥсь.

Удмурт кылбурчилы, Удмуртиысь дано эмчилы Лина Григорьевна Векшиналы (Ашальчи Окилы) сӥзем премиез ёросэз азинтон, ас калыклэсь лулчеберетсэ, йылолъёссэ утён но улӟытон понна трос тыршем, азинлыко ужась, мер улонэ мыло-кыдо пыриськись нылкышноослы, усто анайёслы сётъяло.

1999-тӥ арысен премиез Грак ёросысь 67 нылкышноос басьтӥзы ни.

Ватсалом, Ашальчи Оки 1898-тӥ арын 4-тӥ оштолэзе туала Грак ёросысь Ускы (Кузебаево) гуртын вордскиз

Тодэ вайытом, азьвылгес Ашальчи Оки нимо йӧскалык премилэн лауреатъёсызлэн нимъёссы тодмо луизы



Наверх
Вниз