6+
Ижкарын «Удмуртия» книгапоттонниын «Удмурт-ӟуч, ӟуч-удмурт кыллюкам» (6+) поттӥзы. Со сярысь элькун тӧролэн но кивалтэтлэн пресс-службазы ивортӥз.
Кыллюкамез кыкетӥзэ поттӥзы. Та рад отчы 7 сюрс 500 пала кылъёс пыризы, со азьвыл потэмазлэсь одӥг сюрслы тросгес
Кыл – со улэп маке, кудзэ одно ик азинтыны кулэ: соин маскаръяськыны, мерлыко вотэсъёсын вераськыны, выль кылъёс но кылтэчетъёс пыртыны. Соин ик туж шумпотымон, али потэм кыллюкам ӵапак туала улэп удмурт кылтӥрлыкен ватсамын шуыса. <...> Со адямиослэн кылэз дышетыны кулэяськонзы вань но, асьмеос шонер сюресъя вамышъяськом шуыса вера
Выль изданиее туала удмурт литература кылтӥрлык но берло аръёсы вӧлмем выль кылъёс пыризы. Соосты школа учебникъёсын, ивортодэт вӧлмытон удысын, транспортын но герӟет удысын ӵемгес кутӥськемзэс чакласа пыртӥзы.
Пособиез кылдытыку азьвыл потэм кыллюкамъёсысь, терминъёсъя но орфографияя элькун ӧрилэн удмурт кылъя бюллетеньёсысьтыз материалэз кутӥм. Издание шор ёзо дышетон ужъюртъёсын дышетскисьёслы, озьы ик удмурт кылэз дышетыны мылкыд карисьёслы чакламын
Пусъём, кыллюкам 2 сюрс тиражен потӥз. Сое «Удмуртия» книгапоттонниысь басьтыны луэ.
Тодэ вайытом, 2020-тӥ арын кык томъем «Ӟуч-удмурт» кыллюкам поттӥзы вал.