Ижкар+18 °C
9 -тӥ куартолэзь 2021 Воскресенье
18+

Парад, ожгар техникаез возьматон, салют ортчытозы Вормон нуналлы Удмуртиын

  • 646
  • 0
Ижкар / Удмуртия
Парад, ожгар техникаез возьматон, салют ортчытозы Вормон нуналлы Удмуртиын
Туспуктэм: Руслан Нуриахметов

Быдӟым Атыкай ожын Вормонлы 76 ар тырмонэз пусъён ужрадъёс Удмуртиысь вань каръёсын но ёросъёсын лулчеберет ужъюртъёсын, мер интывылъёсын, азбаръёсын радъяськозы. Туэ 9-тӥ куартолэзьлэн слоганэз – «Удмурти. Путь к Победе». Со сярысь элькун тӧролэн но кивалтэтлэн пресс-службазы ивортӥзы.

Праздниклы сӥзем ужрадъёсты «Шёл первый год войны» адӟытонэн (6+) кутскизы. 15-тӥ оштолэзе сое Удмуртиысь Кузебай Герд нимо йӧскалык музейын усьтӥзы.

30-тӥ оштолэзьысен 9-тӥ куартолэзёзь Быдӟым Атыкай ожысь ветеранъёслэн азбаръёсазы концертъёс ортчозы

7-тӥ куартолэзе Ижкарысь Уйпал шайвылын Быдӟым оже пыриськем Николай Пасынковлэсь лысьӧмъёссэ ватозы. Поисковикъёс соосты 2020-тӥ арын Тверь улосвылысь шедьтӥзы, ожгарчиез медальонэзъя тодмазы.

8-тӥ куартолэзе 11 часын Удмуртиысь кун филармония ветеранъёс, фронтын мышкын ужамъёс, кадет классъёсын дышетскисьёс но ожгар клубъёсы ветлӥсь пиналъёс понна «Когда-нибудь мы вспомним это…» ӟечлэсьтон спектакль-концерт возьматозы. Артистъёс фронтысь историосты лыдӟозы, ожгар кырӟанъёсты быдэстозы.

9-тӥ куартолэзе 10 часын Ижкарысь Шор площадьын Парад кутскоз. Нырысьсэ совето войскоослэсь Афганистанын кутэм дӥсьсэс, «песчанкаез», возьматозы. Пыдын колоннае 1 сюрс 800-лэсь трос адями пыриськоз: школаын дышетскисьёс, студентъёс, ожгар клубе ветлӥсьёс, кужымо ёзэсъёслэн но ветеранъёслэн огазеяськонъёссылэн ыстэм муртъёссы.

Ижкарысь заводъёс асьсэлэсь техниказэс поттозы: «Оса», «Тор» зенитно-ракетной комплексъёс, соос пӧлын зенитной самоходной установка «Шилка» но мукетыз. Озьы ик вашкала автомобильёсты возьматозы, Шор площадьын ожгар техникаен адӟытон ужалоз.

Праздникез «Равнение на ПОБЕДУ!» концерт азьланьтоз. Наговицын нимо ульчаын ож вакытэ удмурт гуртлэн улэм-вылэменызы тодматозы. Кун Кенешлэн юртэз вӧзысь площадкаын партизан движение, элькунамы кылдытэм отрядъёс сярысь тодыны луоз.

22 часын Иж тыметлэн ярдураз салют сётозы

Вормон нуналэз пусъён ужрадъёсын рос-просгес татын тодматскыны луоз.

Праздник ужрадъёсы маскаосын мыны кулэ, ветеранъёсты но куноосты трибунаосы 1,5 метръем мерлыко висэз чакласа пуктылозы.

«Быронтэм полк» ужрад туэ онлайн амалэн ортчоз.



Наверх
Вниз