Ижкар+13 °C
13 -тӥ куартолэзь 2021 Покчиарня
18+

Удмуртиысь 43 эм ужасьёсты Росси азьмуртлэн данъетъёсыныз пусйизы

  • 636
  • 0
Ижкар / Удмуртия
Удмуртиысь 43 эм ужасьёсты Росси азьмуртлэн данъетъёсыныз пусйизы
Туспуктэм: Константин Вознесенских

Коронавирус инфекциен нюръяськон ужез нуэм Удмуртиысь 43 эм ужасьёсты Россиысь азьмуртлэн данъетъёсынызы пусйизы. Со сярысь элькунысь тазалыкез утёнъя министерстволэн пресс-службаез ивортӥз.

Азьмуртлэн данъян грамотаосыныз но таукаронъёсыныз пусъемъёс пӧлын ковид-центръёсын ужам эмчиос, эмсузэръёс, ӝог эмъюрттэт сётон ёзэсысь фельдшеръёс но эмчиос, лабораториосын кивалтӥсьёс, акушеркаос.

Данъетъёсты басьтозы паласькись висёнъёсъя элькун эмъюртлэн валтӥсь эмчиез Игорь Дьяченко, ӝог эмъюрттэт сётон станцилэн валтӥсь эмчиез Олег Прузан, Удмуртиысь тазалыкез утёнъя министерстволэн валтӥсь внештатной инфекционистэз Марина Петренко, ӝог эмъюрттэт сётон ёзэсысь фельдшер, нырысетӥ ковид-бригадаын ужаны кутскем Николай Салтыков, Ижкарысь 5 номеро нылпи ваён юртысь акушеркаос Елена Гурьева но Галина Мерзлякова, Шарканысь ёрос эмъяськонниысь эмсузэр Надежда Михайлова, 1 номеро элькун юмъюртысь ёзэтъёслэн кивалтӥсьёссы Оксана Стародубцева но Павел Тверитнев но трос мукетъёсыз.

Вылӥ данъетъёсты 20-тӥ инвожое, Эм ужасьёслэн нуналазы, сётозы

Тодэ вайытом, 28-тӥ оштолэзе Удмуртиысь ӝог эмъюрттэт сётон удысын 1 сюрс 400-лэсь трос ужасьёс нырысьсэ ӧнер праздниксэс пусйизы



Наверх
Вниз