Ижкар+18 °C
9 -тӥ куартолэзь 2021 Воскресенье
18+

Ижкарысь Шор площадьысь крезьгуро фонтанэз лэзёнэз куазь сэрен берлолы выжтӥзы

  • 504
  • 0
Ижкар / Удмуртия
Ижкарысь Шор площадьысь крезьгуро фонтанэз лэзёнэз куазь сэрен берлолы выжтӥзы
Туспуктэм: Константин Вознесенских

Ижкарысь Шор площадьлэн вылӥ люкетысьтыз крезьгуро, тылъёсын шудӥсь фонтанэз юн тӧласькемен сэрен 1-тӥ куартолэзе уз лэзе. Мукет праздник нуналъёсы солэн ужамез куазен герӟаськоз. Со сярысь кар администрацилэн пресс-службаез ивортӥз.

Кызьы азьвылгес журналистъёслы вераз «Спецдомоуправление» муниципал предприятиысь ёзэтлэн кивалтӥсез Антон Колчанов, фонтан ужаны дась. Солэн кылъёсызъя, кезьыт тол сэрен вылӥ ву гумыос кынмонзы шуыса кышкытлык вал. Но эскерон возьматӥз - фонтан умой толйиз. Вуоно ужанрадлыкез юнматэмын ни.

Фонтан 10 часысен ужалоз. 23 часын ужамысь дугдоз. 20 часысен 22 часозь крезьгуро, трос буёло тылъёсын шудӥсь шоу мынэ
Антон Колчанов, «Спецдомоуправление» муниципал предприятиысь ёзэтлэн кивалтӥсез

Та дыре Шор площадьлэн уллапалысьтыз котырес фонтанэз тупатон-лэзён ужъёсты йылпумъяло. Сое Карлэн нуналэзлы, 12-тӥ инвожое, ужатыны малпало.

1-тӥ куартолэзе Ижкарын Тулыслэн но Ужлэн нуналзылы сӥзем концерт (0+) ортчоз



Наверх
Вниз