Ижкар+2 °C
28 -тӥ коньывуон 2021 Покчиарня
18+

Алнаш ёрос эмъюртысь нылпиослы ёзэтын борддоръёсты буялозы но шудон висъет лэсьтозы

  • 310
  • 0
Алнаш / Удмуртия
Алнаш ёрос эмъюртысь нылпиослы ёзэтын борддоръёсты буялозы но шудон висъет лэсьтозы
Туспуктэм: Россиысь егитъёслэн огазеяськонзылэн пресс-службаез

Алнаш ёрос эмъюртысь нылпиослы ёзэтын борддоръёсты буялозы но шудон висъет лэсьтозы. Со понна черкогуртысь «Родничок» нылпи садлэн кивалтӥсез, ёросысь Егитъёслэн парламентсылэн витетӥ ӧтчамезлэн тӧроез но ёросысь мер кенешлэн ёзчиез Алёна Петрова Россиысь егитъёслэн огазеяськонэнызы ортчытэм вожвылъяськонын 270 сюрс манет утӥз. Ивортодэтъя «Удмуртия» агентстволы со ӵектосэз сярысь, озьы ку но кин сое улонэ пыӵатоз шуыса вераз.

«Выжыкылъёс висёнлы пумит» (Сказки против болезней) мерлыко ӵектосэз 2021-тӥ арысь коньывуонысен 2022-тӥ арысь куартолэзёзь быдэстозы. Проектэ нылпи садын, лыдӟетъюртын, ёрос администрациын ужасьёс пырисько.

Ӵектос улсын Алнаш ёрос эмъяськонниысь нылпи ёзэтлэн боддоръёсаз дизайнерской суредъёс лэсьтыны но стационарын эмъяськись пиналъёс понна шудон висъет усьтыны чакламын
Алёна Петрова, «Выжыкылъёс висёнлы пумит» ӵектосэз кылдытӥсь

Борддоръёсты но шудон висъетэз психологи но педагогика тодосъёсъя докторлэн Витольд Ясвинлэн амалэн вылэ пыкъяськыса лэсьтозы. Суредъёс нылпилы азинскыны луонлык сётозы. Мультфильмысь геройёсты возьматэм интые отын луозы ӝуждалаез мертан, лыдпусъёслэсь паровоз, гласной но согласной букваослэсь кый, буёлъёсты валан, визьрадэз, малпаськыны быгатэмез эскерон вылысь шудонъёс.

Алёна Петровалэн верамезъя, борддоръёсты ӵектослэн командаяз пырисьёс, нылпи садъёсысь визьнодасьёс, Егитъёслэн парламентсылэн ёзчиосыз но Алнаш ёросысь егитъёсын ужанъя ёзэтлэн ыстэм муртъёсыз буялозы. 

Со сяна, ӵектослэн дырпус радлыказ сказкотерапия но театрализация амалъёсты кутыса ужрадъёс пыризы, соос пиналъёслэсь шудыны, выльзэ тодыны, азинскыны кулэяськонзэ быдэстыны юрттозы.

Утэм грант чотын шудон тӥрлык, книгаос, театр возьматонлы арбериос, визьрад шудонъёс, нылпи мебель, шудон пыр азинтӥсь сэрег басьтозы.

Озьы ик покчи пиналъёслы терапевтической выжыкылъёсын книга поттэмын луоз. Со ӵектосъя ужрадъёслэн ужъемышсы луоз. Терапевтической выжыкылъёс сюлмаськонъёсты, кышканъёсты палэнтыны юрттозы.
Алёна Петрова, «Выжыкылъёс висёнлы пумит» ӵектосэз кылдытӥсь

Оглом ӵектос эмъяськонниысь нылпи ёзэтын умой югдур кылдытыны, пиналъёслэсь эмъюртэ ветлыкузы секыт мылкыдзэс капчиятыны юрттоз.

Ватсалом Удмуртиысь Елизавета Васильевалэн командаез «Слёт местных организаций УТРО РСМ» ӵектосэныз 240 сюрс манет утӥз.

Вожвылъяськон улсын ас ӵектосъёссэс улонэ пыӵатыны коньдон 14 улосвылъёсысь 18 кичӧлтӥсь группаос басьтӥзы

Тодэ вайытом, азьвылгес «Тавридалэн» «Артполяна» дышетон сменаяз Удмуртиысь йӧскалык театрысь артист Константин Никитин «Студия актерского мастерства «Выжыкыл» ӵектосэныз тодматӥз но сое быдэстыны 590 сюрс манет утӥз.



Наверх
Вниз