Ижкар+2 °C
28 -тӥ коньывуон 2021 Покчиарня
18+

«Сердце Можги» ӵектос федерал вожвылъяськонын вормиз

  • 216
  • 0
Можга / Удмуртия
«Сердце Можги» ӵектос федерал вожвылъяськонын вормиз
Туспуктэм: Удмуртиысь тӧролэн но кивалтэтлэн пресс-службазы

26-тӥ гудырикошконэ Нижний Новгородын «Среда для жизни» огъяросси форум улсын «Малые города и исторические поселения» вожвылъяськонлы йылпумъянъёс лэсьтӥзы. Можгаысь шор кварталэз умоятонъя «Сердце Можги» ӵектос вормисьёс пӧлы пыриз. Со сярысь элькун тӧролэн но кивалтэтлэн пресс-службазы ивортӥз.

Можгаын ӵектосэз улонэ пыӵатон понна федерал коньдэтысь уксё висъялозы.

Озьы, карысь валтӥсь урамъёсты, Наговицын нимо урамысь карлудэз, Егитъёслы паркез, ёрос культура юрт дорысь скверез, Шор карлудэз чебер карозы но трос луонлыкъем «Гаражи» интывыл кылдытозы. Со сяна, каре дизайн-код пыртозы. Ӵектос оглом 7,3 гектар музъем вылын улонэ пыӵатэмын луоз

Вормисьёс пӧлы Россиысь оглом 160 ӵектосъёс пыризы.

Пусъём, Можга та конкурсэ пыриськылӥз вал ини, но вормисьёс пӧлы сюрыны ӧз кылды. Туэ ӵектосэз экспертъёслэн куронъёссыя тупатъяса келязы, озьы грант утӥсьёс луизы.

Тодэ вайытом, 2018-тӥ арын та конкурсын вормонлы луыса Воткаын «Времена года» парк кылдӥз вал. Кылем арын Глазкарысь «Связывая времена и пространства» ӵектос вормиз. Нош туэ тулыс Воткаысь «Сила воды» но Сарапулысь «Музейный квартал» ӵектосъёс грантъёс утӥзы. 



Наверх
Вниз