Ижкар+9 °C
16 -тӥ куарусён 2021 Покчиарня
18+

Удмуртиысь 13 сиён-юонъёс «Вкусы России» йӧскалык вожвылъяськонэ пырисько

  • 330
  • 0
Москва / Россия
Удмуртиысь 13 сиён-юонъёс «Вкусы России» йӧскалык вожвылъяськонэ пырисько
Туспуктэм: Григорий Фомин

Удмуртиысь 13 сиён-юонъёс «Вкусы России» йӧскалык вожвылъяськонэ пырисько. Туэ со кыкетӥзэ ортче. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

Туэ вожвылъяськон 16-тӥ инвожое кутскиз. Куриськонъёсты кутонэз туннэ, 1-тӥ куарусёнэ дугдытӥзы. Конкурсэ пыриськыны Россиысь ӧжытэзтэк вань улосвылъёсысь 700-лэсь трос сиён-юон брендъёсты келязы

Туэ Удмуртилэсь данзэ кылем арын конкурсэ пыриськем сиён-юонъёс сяна, выльёсыз но утёзы. Соос пӧлын кампетъёс, зефир, сезьы печення, ӵынатэм скумбрия, нянь, карп, сыр, пельнянь.

Вормисьёсты тямыс номинациосъя быръёзы:

  • «На всю страну»;
  • «Вкус природы»;
  • «Гастрономическая находка»;
  • «Кулинарное наследие»;
  • «Нас выбирают»;
  • «Вкус из глубинки»;
  • «Загляните на огонёк»;
  • «Вкус без границ».

20-тӥ коньывуонысен 7 шуркынмонозь «Нас выбирают» номинацие пыриськисьёс понна куаразэс сётыны Россиын улӥсьёс но быгатозы. Нош мукет номинациосъя вормисьёсты конкурслэн ӧриез быръёз.

Конкурс сярысь пыр-почгес тодыны чӧлсконпусъя луэ.

Тодэ вайытом, кылем арын «Вкусы России» конкурсэ Удмуртиысь укмыс сиён-юонъёс пыриськизы. Удмурт перепеч 10 устоосыз пӧлы пыриз


Наверх
Вниз