Ижкар+9 °C
16 -тӥ куарусён 2021 Покчиарня
18+

152 азбаръёсты но мер интывылъёсты выльдӥзы Удмуртиын

  • 307
  • 0
Вотка / Удмуртия
152 азбаръёсты но мер интывылъёсты выльдӥзы Удмуртиын
Туспуктэм: Удмуртиысь тӧролэн но кивалтэтлэн пресс-службазы

Удмуртиын «Жильё и городская среда» йӧскалык ӵектос улсын 152 азбаръёсты но мер интывылъёсты выльдӥзы. Со сярысь элькун тӧролэн но кивалтэтлэн пресс-службазы ивортӥз.

Та дырлы 84 паркъёсты, скверъёсты, урамъёсты но ярдуръёсты тупатъязы ни. 15-аз объектъёсын ужъёс азьланьтӥсько на. Озьы ик выльдон ужъёс 64 азбаръёсын йылпумъяськизы, 17-аз мыно на.

Со сяна, Глазкарын, Воткаын но Сарапулын «Малые города и исторические поселения» федерал конкурсын вормем бадӟым ӵектосъёс улонэ пыӵатӥсько.

Тужгес трос Воткаысь ярдурез выльдонъя ужъёс быдэстэмын ини. Соослэн «Сила воды» ӵектоссы улсын матысь дыре скейт-парк, велосипедэн ворттылыны, поръяны сюресъёс но синъёсты шумпоттӥсь шутэтскон интыос кылдозы. Со сяна интывылэ будосъёс мерттозы, вож турын кизёзы, югдытӥсь юбоос пуктозы.

Тодэ вайытом, кемалась ик ӧвӧл, Можгаысь «Сердце Можги» ӵектос «Малые города и исторические поселения» федерал конкурсын вормиз



Наверх
Вниз