Ижкар+9 °C
16 -тӥ куарусён 2021 Покчиарня
18+

Удмуртиысь йӧскалык библиотекаез сӥё-дано усьтозы Ижкарын 16-тӥ куарусёнэ

  • 203
  • 0
Ижкар / Удмуртия
Удмуртиысь йӧскалык библиотекаез сӥё-дано усьтозы Ижкарын 16-тӥ куарусёнэ
Туспуктэм: vk.com (Владимир Соловьев)

16-тӥ куарусёнэ Ижкарын Удмуртиысь йӧскалык библиотекаез сӥё-дано усьтозы. Куноос понна бадӟым программа дасязы (0+).Со сярысь элькун тӧролэн но кивалтэтлэн пресс-службазы ивортӥз.

Быдэс нунал ӵоже лыдӟетъюртын мастер-классъёс, литературая йыртӥян ӵошатсконъёс, адӟытонъёс, экскурсиос ортчозы.

14 часын искусствоведлэн, крезьгурасьлэн, югдытӥсьлэн Михаил Казиниклэн «А вы читать умеете?» онлайн-лекциез потоз

Юрт азьысь интывылын «Открытая лестница» фестиваль (0+)  кутскоз.

19 часын бадӟым лыдӟиськон залын Татьяна Равиловалэн кылбур ӝытэз луоз. Нош 21 часысен 22 часозь ужъюрт вылын удмурт мифъёслы сӥзем театрализованной светомузыкальной шоу адӟытозы.

Ужрадъёс 17-тӥ но 18-тӥ куарусёнэ но ортчозы

Со сяна, толэзь ӵоже библиотекаын пӧртэм лекциос, мастер-классъёс, литературая пумиськонъёс но мукет тунсыко ужрадъёс радъялозы.

Лыдӟетъюртэз усьтон программаен пыр-почгес чӧлсконпусъя тодматскыны луэ.

Пусъём, библиотекаез 2019-тӥ арын тупатъяны кутскизы но ужъёсты туэ гужем йылпумъязы.

Лэсьтӥськисьёс юртлэсь азьвыл туссэ утьыны тыршизы, кӧня ке выльдӥськонъёс но пыртӥзы. Озьы, ужъюртлэн вылаз «Национальная библиотека Удмуртской Республики» гожтэмен барельеф ватсазы, балюстрада лэсьтӥзы.

Нош юртлэсь пушсэ быдэсак выльдӥзы: выжъёссэ, вӧлдэтсэ, кыкетӥ этажысь лыдӟиськон залэз.ВКык вуж тубатъёс интые но куинь туала тубатъёс пуктӥзы. Со сяна, лифт, книгаосты ӝуткан тӥрлык, тазалыксыя ӧжыт быгатонлыкъем муртъёслы пандусъёс лэсьтӥзы.

Озьы ик азьвыл юрт вӧзы выль куать этажъем юрт ӝутӥзы. Отчы лыдӟиськон залъёсты, 1,5 миллион пала книга возён инты но ужасьёслы висъетъёсты интыязы. Выль юртын автомат амалэн тузонэз сузясь сӧзнэтэз но температураез огсыр возись арбериосты уже кутозы.

Со сяна, библиотекаын трос гинэ тунсыко интыос кылдытӥзы. Кылсярысь, литературалы сӥзем галерея, нылпиослы висъет, нотно-музыкальной зал но мукет.

Тодэ вайытом, йӧскалык лыдӟетъюртэз выльдыны оглом 482 миллион 400 сюрс манет кошкиз



Наверх
Вниз