Ижкар+1 °C
19 -тӥ коньывуон 2021 Пуксён
18+

35 ар тырмонзэ пусъёз удмурт пиналъёслы «Кизили» журнал

  • 272
  • 0
Ижкар / Удмуртия
35 ар тырмонзэ пусъёз удмурт пиналъёслы «Кизили» журнал
Туспуктэм: vk.com («КИЗИЛИ»/ «ЗВЁЗДОЧКА» журнал)

17-тӥ куарусёнэ удмурт пиналъёслы «Кизили» журнал 35 ар тырмонзэ пусъёз. Ужрад Ижкарысь зоопаркын ортчоз. Со сярысь печатья но калыке ивортодэт вӧлмытонъя агентстволэн пресс-службаез ивортӥз.

«Кизили» туннэ – со яркыт буёло пичи книжка. Тросаз школаосын сое дышетон пособие интыын удмурт кылъя, технологияя, шаертодонъя урокъёсын, классной часъёсын куто. Покчи классъёсын дышетскисьёс нырысетӥ творческой ужъёссэс ӵапак «Кизилие» келяло. Журнал нылпиослы сяна, писательёслы, кылбурчиослы, суредасьёслы быгатонлыкъёссэс волятыны инты луэ
Юргис Алексеев, «Кизили» журналлэн валтӥсь редакторез

Журналлэн котырес лыдпусэзлы сӥзем ужрадэ 200-лэсь трос адями люкаськоз. Пӧлазы дышетӥсьёс, мер ужасьёс но валтӥсь куноос – нылпиос – луозы. Соос Алнаш, Пичи Пурга, Дэри, Шаркан, Грак, Вавож, Балезино, Кез, Глаз, Яр, Юкаменск, Сюмси но мукет ёросъёсысь вуозы.

Ужрад улсын покчи артистъёс шулдыртозы, «Кизили» журналэ тужгес мыло-кыдо гожъяськисьёсты пусъёзы, журналысь геройёсын Пальыштыкен, Бубылиен, Апокен но Кизилиен шудонъёс ортчытозы, суредаськонъя, киужъя мастер-классъёс радъялозы, удмурт калык шудонъёсын шудозы, зоопаркъя экскурсия ортчытозы.

Вань куноослы журналлэн котырес лыдпусэзлы поттэм «Кизили»-ен ӵош» книга кузьмалозы.

Тодэ вайытом, 17-тӥ куарусёнэ Ижкарысь йӧскалык лыдӟетъюртын трос кылъёсты тодонлы сӥзем лекция ортчоз.




Наверх
Вниз