Ижкар+1 °C
9 -тӥ толсур 2021 Покчиарня
18+

Удмурт литература сярысь лекция лыдӟозы Москваын Удмурт кыллэн нуналаз

  • 267
  • 0
Москва / Россия
Удмурт литература сярысь лекция лыдӟозы Москваын Удмурт кыллэн нуналаз
Туспуктэм: Никита Иванов

27-тӥ шуркынмонэ, Удмурт кыллэн нуналаз, Москваысь Светлов нимо лыдӟетъюртын «Между традицией и модернизмом: удмуртская литература XX века» лекция ортчоз. Сое А. М. Горький нимо литературая институтысь доцент, литератураез эскерись, кылосбур тодосъя кандидат Вера Пантелеева лыдӟоз. Со сярысь удмурт лулчеберетэз утёнъя но азинтонъя «Герд» огазеяськонлэн «ВКонтакте» мерлыко вотэсысь бамаз ивортӥзы.

Тодосчи удмурт литератураысь классикъёс Кузебай Герд, Михаил Петров, Геннадий Красильников, Флор Васильев сярысь вералоз. Озьы ик туала бадӟым авторъёслэн – Эрик Батуевлэн, Сергей Матвеевлэн, Вячеслав Ар-Сергилэн, Лидия Нянькиналэн – творчествоенызы тодматоз.

Ужрад 17 часын кутскоз. Коронавирус инфекци вӧлмонэн герӟаськем сюбегатонъёсын сэрен, 60 ареслэсь мӧйы муртъёс QR-кодзэс возьматыны кулэ луозы.

Тодэ вайытом, Удмурт кыллэсь нуналзэ ньыль ар талэсь азьло пусйыны кутскизы. 2020-тӥ арын со Удмуртиысь катэн юнматэм пусъёно нуналъёс пӧлы пыриз



Наверх
Вниз