Ижкар+1 °C
9 -тӥ толсур 2021 Покчиарня
18+

Удмурт кыллэсь нуналзэ пусъён улсын ӝӧквыл шудонъёсын шудозы Удмуртиысь дышетскисьёс

  • 396
  • 0
Ижкар / Удмуртия
Удмурт кыллэсь нуналзэ пусъён улсын ӝӧквыл шудонъёсын шудозы Удмуртиысь дышетскисьёс
Туспуктэм: Руслан Нуриахметов

Удмурт кыллэсь нуналзэ пусъён улсын егитъёслэн «Шунды» огазеяськонысьтызы азьветлӥсьёс но Удмуртиысь Калыкъёслэсн эшъяськон юртысьтызы ӧнерчиос элькунысь школаосын «Чукиндэр» огазеяськонэн лэсьтэм удмурт ӝӧквыл шудонъёсын шудонъёс радъялозы. Со сярысь улосвылысь йӧскалык политикая министерстволэн пресс-службаез ивортӥз.

Ӝӧквыл шудонъёс дышетскисьёсты удмурт алфавитэн, юртъер котырын кутӥськись арбериосын но тӥрлыкъёсын, выжыкылъёслэн геройёсынызы тодматозы, озьы ик удмурт кылэз дышетонъя ӵектосъёс но мобильной ватсэтъёс сярысь вералозы.

Пиналъёслы «Вожодыр», «Ӟеч Перепеч», «Тодад возь» но «Удмурт эрудит» шудонъёсты ӵектозы.

22-27 шуркынмонэ шудонъёс ортчозы:

— Ижкарысь 56 номеро гимназиын;
— Ижкарысь Кузебай Герд нимо йӧскалык гимназиын;
— Ижкарысь 57 номеро школаын;
— Дэри ёросысь Якшур гуртысь шор ёзо школаын.

Радъясьёслэн верамзыя, элькунысь ёросъёсын таӵе шудонъёсты Калыкъёслэн эшъяськон юртъёсазы, лулчеберет юртъёсын, школаосын, лыдӟиськонниосын, дышетон но лулчеберет юртъёсын радъяны быгатозы. Ужрадэ пыриськон понна 8 (3412) 63-10-88, 8 (3412) 63-10-81, 8 (919) 695-32-06 телефон номеръёсъя жингыртыны кулэ.

Тодэ вайытом, 27-тӥ шуркынмонэ, Удмурт кыллэн нуналаз, Москваысь Светлов нимо лыдӟетъюртын А. М. Горький нимо литературая институтысь доцент, литератураез эскерись, кылосбур тодосъя кандидат Вера Пантелеева удмурт литератураысь классикъёс но туала авторъёс сярысь лекция лыдӟоз.  



Наверх
Вниз