Ижкар+1 °C
9 -тӥ толсур 2021 Покчиарня
18+

Удмуртилэн Кун Кенешысьтыз депутатъёс QR-кодъёсты кутон сярысь федерал катӵектосъёслы дурбасьтӥзы

  • 135
  • 0
Ижкар / Удмуртия
Удмуртилэн Кун Кенешысьтыз депутатъёс QR-кодъёсты кутон сярысь федерал катӵектосъёслы дурбасьтӥзы
Туспуктэм: Григорий Фомин

23-тӥ шуркынмонэ Удмуртиысь Кун Кенешлэн сессияз депутатъёс калыко интыосы ветлон, самолётэ но поездэ билетъёс басьтон понна  коронавируслэсь прививка пуктэм яке висем сярысь QR-кодъёсты кутон пумысен федерал катӵектосъёслы дурбасьтӥзы.

Кызьы вераз элькун парламентлэн тӧроез Владимир Невоструев, пандемия экономикаысь удысъёслы рос-прос азинскыны уг сёты, мерлыко ужъюртъёслэсь ужамзэс ӝегатэ, со нокинлы но уг кельшы. Кышкыт чер вӧлмонлэсь азьвыл кадь улонэ берытскыны дэмен иммунитет кылдытыса гинэ луоз, пусйиз кивалтӥсь.

Чурыт сюбегатонъёс дыръя Удмуртиын нуналаз 15 сюрсозь адями прививка пуктылӥз, али вакцинацие лыктӥсьёс ӧжытгес луизы.

Ваньзы возьмало. Со шонертэм, возьмаса пукыны, ку ваньмыз та ортчоз. Асьмеос номыр ӧм ке каре, уз ортчы. Россиысь кивалтэт нимлыко эскерыны ӵектӥз, кин висе, кин уг висьы, кин прививка пуктӥз яке висиз ни. Цифровизация, вылӥ технологиос вакытэ со шонер пумкылъян – справкаосын интые, QR-кодъёсын ветлыны. Валаськом, техника ласянь со понна ваньмыз дась ӧвӧл на, но солы ик дыр сётӥське, ужкагаз 2022-тӥ арын 1-тӥ тулыспалэ кужымаз пыроз
Владимир Невоструев, Удмуртиысь Кун Кенешлэн тӧроез

1-тӥ тулыспал бере калыко интыосы QR-кодтэк пырын лэзёзы тазалыксыя прививка пуктыны быгатӥсьтэм муртъёсты гинэ.

Кодъёсты кутон но кытын соос кулэ луозы, улосвылысь кун тӧрлыкъёс пумкылъян кутыны кулэ.

Номыр возьматытэк пырыны улоз аптекаосы, сиюён-юонэн но нуналмысь кулэ вузъёсын вузкарись лавкаосы. Катлэн эсэпъёсыз 2022-тӥ арысь 1-тӥ инвожоозь кужымазы луозы. 

Ӵектонлы 43 депутатъёс дурбасьтӥзы, укмысэз пумит луизы. 



Наверх
Вниз