Ижкар+3 °C
25 -тӥ коньывуон 2020 Воскресенье
18+

«Удмурт Кенешлы» 25 ар тырмонлы сӥзем сӥё-дано ужрад ортчоз туннэ, 8-тӥ толсуре, Ижкарын

  • 429
  • 0
Ижкар / Удмуртия
«Удмурт Кенешлы» 25 ар тырмонлы сӥзем сӥё-дано ужрад ортчоз туннэ, 8-тӥ толсуре, Ижкарын
Фото: Григорий Фомин

Туннэ, 8-тӥ толсуре, 11 часын Ижкарын Удмурт йӧскалык театрын «Вань удмуртъёслэн «Удмурт Кенеш» улосвылкуспо мер огазеяськонзылы 25 ар тырмонэз пусъён сӥё-дано ужрад ортчоз. 

«Ужрадэ 400 пала адями лыктоз — Удмуртиысь вань ёросъёсысь, но каръёсысь, озьы ик ӧтемын Башкортостанысь, Татарстанысь, Марий Элысь, Свердловск, но Киров улосвылысь, Москваысь, Санкт-Петербургысь делегациос», - вераз иворъёсъя «Удмуртия» агентстволы огазеяськонлэн тӧроезлэн воштӥсез Алексей Серебренников.

Иворъёсъя «Удмуртия» агентство сӥё-дано ужрадысь меӵак возьматон нуоз. Учкыны луоз татысь: udmurt.media/udm/.

«Удмурт Кенеш» огазеяськонлэн ёзэтъёсыз туннэ вань Удмуртиысь ваньмаз ёросъёсын но каръёсын, озьы ик Башкортостанын, Татарстанын, Марий Элын, Свердловск, Томск, Киров улосвылъёсын, Пермь шаерын, Москваын но Санкт-Петербургын.

Солэн бурд улаз ужало удмурт лулчеберетъя «Дэмен» огазеяськон, удмурт егитъёслэн «Шунды» огазеяськонзы, «Удмурт нылкышно кенеш», «Камсьӧр удмуртъёслэн йӧскалык центрзы» огазеяськон.

Огазеяськонлэн бадӟым интыез быдэс финн-угор дуннеын но. «Удмурт Кенеш» кичӧлтэмъя, 1992-тӥ Ижкарын Россиысь финн-угор калыкъёслэн 1-тӥ ӧтчамзы ортчиз. Улосвылъёсын, кытын удмуртъёс тросэн уло, Удмурт лулчеберетъя нуналъёс ялан ортчыло. Йӧскалык движение мыло-кыдо пыриськисьёсты пусъён понна огазеяськон куинь йӧскалык премиос юнматӥз: Кузёбай Герд нимо, Ашальчи Оки нимо, Эрик Батуев нимо. Озьы ик вань аслаз Данъян книгаез.

Алексей Серебренниковлэн верамезъя, сӥё-дано ужрадэ ӧтем вылӥ кивалтӥсьёс пӧлын Удмуртилэн тӧроез Александр Соловьёв, Кун Кенешлэн тӧроез Владимир Невоструев, Россиысь Кун Думаын Удмурт Элькунлэсь депутат Алексей Загребин, Удмуртиысь Мер палаталэн кивалтӥсез Павел Вершинин, йӧскалык политикая министр Лариса Буранова, лулчеберетъя но туризмъя министр Владимир Соловьёв, дышетонъя но тодосъя министр Алексей Шепталин, печатья но калыке ивортодэт вӧлмытонъя агентстволэн кивалтӥсез Алексей Воронцов, Ижкарлэн тӧроез Юрий Тюрин, Кар думалэн тӧроез Олег Гарин, Удмуртиысь муниципал кылдытэтъёслэн кенешсылэн тӧроез Андрей Коняшин.



Наверх
Вниз