Ижкар+12 °C
16 -тӥ оштолэзь 2021 Удмуртарня
18+

Вань удмуртъёслэн «Удмурт Кенеш» огазеяськонзылэн юбилеез: меӵак возьматон

  • 814
  • 0
Ижкар / Удмуртия
Вань удмуртъёслэн «Удмурт Кенеш» огазеяськонзылэн юбилеез: меӵак возьматон
Фото: Григорий Фомин

Ижкарын Йӧскалык театрын «Удмурт Кенеш» огазеяськонлэн 25 ар тырмонэзлы сӥзем сӥё-дано ужрад кутскиз. Отчы Удмуртиысь вань ёросъёсысь но каръёсысь, озьы ик Башкортостанысь, Татарстанысь, Марий Элысь, Свердловск но Киров улосвылысь, Москваысь, Санкт-Петербургысь делегациос вуизы. Ӧтем куноос пӧлын улосвылысь, но Удмуртилэн шоркарысьтыз кивалтӥсьёс.

«Удмурт лулчеберетэз утён, дышетон но азинтон, удмурт кыллэсь инлыксэ юнматон понна тыршыса, асьме музъем выламы улӥсь мукет калыкъёслэн огазеяськонъёсынызы юн кусын возьыса, тӥ улосвыламы этнополитикая югдурез огсыр возьыны юрттӥськоды. <…> «Удмурт Кенешлэсь» удмурт кылэз утён ужпумъя мыр-мыр ужамзэ но пусъё. Одӥгез соос пӧлын – удмурт кылын книгаосты поттон. Коньдэтысь солы висъям уксёлэн быдӟалаез 2015-тӥ ӝынылы будӥз но 5 миллион манетозь вуиз. Со удмурт кылын потӥсь книгаослэсь лыдзэс ог 80 процентлы йылэтыны луонлык сётӥз. 2016-тӥ арын сомнда ик коньдон кельтэмын. Тыршомы 2017-тӥ арлы коньдэтын но озьы ик висъяны. Интыысьтыз вырӟиз эшшо одӥгез ужпум – удмурт кылын учебникъёслы экспертиза лэсьтон. Коньдон висъямен валче, таяз арын сое ортчизы 1-4 классъёс понна 13 учебникъёс. Со уж азьланьтэмын луоз», - вераз люкаськемъёслы Удмуртилэн тӧроез Александр Соловьёв.  

Люкаськем калыклы тау карон кылъёссэс, сӥзёнъёссэс веразы Кун Кенешлэн тӧроезлэн воштӥсез Софья Широбокова, йӧскалык политикая, мер кышкыттэмлыкъя, парламентлэсь ужзэ радъянъя ӧрилэн кивалтӥсез Энвиль Касимов, агропром огъетъя, музъем кусыпъёсъя, инкуазез утёнъя ӧрилэн кивалтӥсез Владимир Варламов, «Единая Россия» фракцилэн кивалтӥсез Алексей Прасолов, Россиысь Куд Думалэн депутатэз Алексей Загребин, Удмуртиысь Мер палаталэн кивалтӥсез Павел Вершинин, Ижкарлэн тӧроез Юрий Тюрин, Кар думалэн тӧроез Олег Гарин. Удмуртиысь йӧскалык политикая министр Лариса Буранова, лулчеберетъя, но туризмъя министр Владимир Соловьёв, «Удмурт нылкышно кенешлэн» тӧроез Надежда Степанова, удмурт егитъёслэн «Шунды» огазеяськонзылэн кивалтӥсез Алина Чернова, «Камсьӧр удмуртъёслэн йӧскалык центрзы» огазеяськонлэн кивалтӥсез Флюра Чибышева, туж шуныт кылъёссэс удмурт калыклы, удмурт шаерлы веразы Удмуртиын улӥсь мукет выжы калыкъёслэн йӧскалык огазеяськонъёссылэн ыстэм муртъёссы…

Люкаськем калыкез шулдырто удмурт творчествоя коллективъёс.

Вань удмуртъёслэн «Удмурт Кенеш» огазеяськонзылэн 25 ар тырмонэзлы сӥзем сӥе-дано ужрад




Наверх
Вниз