Ижкар-5 °C
1 -тӥ толсур 2020 Пуксён
18+

Удмуртилэсь нырысетӥ азьмуртсэ Александр Волковез 24-тӥ куартолэзе Ижкарын ватозы

  • 604
  • 0
Ижкар / Удмуртия
Удмуртилэсь нырысетӥ азьмуртсэ Александр Волковез 24-тӥ куартолэзе Ижкарын ватозы
Туспуктэм: Григорий Фомин

Удмуртилэсь нырысетӥ азьмуртсэ Александр Волковез 24-тӥ куартолэзе Ижкарын ватозы. Аппарат кенешонын улосвыл тӧролэсь ужзэ огдырлы быдэсъясь Александр Бречалов ватонэз радъянъя ужась группа кылдытыны куриз. Элькун но федерал министерствоослэн но удысэтъёслэн кивалтӥсьёсынызы сяме пырем кенешон Александр Волковез буре ваёнэн кутскиз. 

«Тӥ сое мынэсьтым умойгес тодӥськомы, но мыным шуд усиз <…> сон пумиськыны. Милям кык гинэ пумиськонмы вал <…>. Нимлыко пумиськонмы бере мынам валанэ кылдӥз, со адями Удмуртилы улонэзлэсь бадӟым люкетсэ гинэ ӧз сёты, ассэ но сётӥз. Со элькунын ужан вакытэз пӧртэм сямен дунъяны луэ, но тодӥськоды, мон учкисько, мар адями ачиз бере кельтӥз. Кема вераны луоз, храмъёс, мер объектъёс бордысен кутскыса. Нимысьтыз саклык гуртлы. Тодӥськоды-а, мар мон верасал? Со нимлыко пумиськонмы бере, прессаын, мерлыко вотэсъёсын трос вераськонъёс ӝутскизы. Мон валасько, ваньмызлэн быдэсак тодонлыксы ӧвӧл, но ваньмыз уг валало, мар со секыт аръёсы интывылэн кивалтон, ванмьмыз уг валало, мар со кризислы пумитъяськон <…>. Но ваньмыз тэргало. Тӧрлыкын ужасьёслэн сыӵе адӟонзы, дыр», — вераз элькун тӧролэсь ужзэ огдырлы быдэсъясь Александр Бречалов.

Александр Волковлэсь мугорзэ Удмуртилэн шоркараз ваёзы. Элькунлэн азьвыл кивалтӥсеныз люкиськон Свято-Михайловской соборын ортчоз.

Удмуртилэн нырысетӥ азьмуртэз, Федераци Кенешысь тодосъя, дышетонъя но лулчеберетъя комитетлэн тӧроезлэн воштӥсез Александр Волков улонысь кошкиз 20-тӥ куартолэзе, Германиысь одӥгаз эмъяськонниын.

Ватсан

Александр Александрович Волков вордскиз 1951-тӥ арын 25-тӥ толсуре Брянскын.

1970-тӥ арын Брянскысь лэсьтӥськонъя техникумез «промышленное и гражданское строительство» ӧнеръя йылпумъяз. Собере Механикая Чупчи заводлэн лэсьтӥськонъя управленияз ужаны кутскиз.
Ужакуз ик 1978-тӥ арын Пермьысь политехникая институтэз «Инженер-строитель» ӧнеръя йылпумъяз.
1986-1989 аръёсы – Глазовысь кар исполкомлэн тӧроез.
1989-тӥ арын Удмурт Элькунысь Госпланлэн тӧроезлэн нырысетӥ воштӥсез луиз, нош 1990-тӥ арын – элькунысь Министръёслэн Кенешсылэн тӧроезлэн воштӥсез, со дыре ик Архитектурая но лэсьтӥськонъя кун комитетэн кивалтӥз.
1993-тӥ арын Удмуртиысь Министръёслэн Кенешсылы тӧрое юнматэмын.
1995-тӥ арын элькунысь Кун Кенешлэн тӧроез луэ.
1996-тӥ арын Кунсьӧр вузкаронъя Росси академи бордын ужась Москваысь калыккуспо ужберагтонъя интситутэз йылпумъяз (калыккуспо ужбергатонъя экономист), нош 1998-тӥ арын экономика тодосъя кандидатлэсь диссертацизэ утиз.
2000-тӥ арын быръёнъёсын вормиз но Удмурт Элькунлэн нырысетӥ азьмуртэз луиз. 2004-тӥ арын 15-тӥ южтолэзе нош ик быръемын вал.
В 2000 году победил на выборах и стал первым президентом Удмуртской Республики.
20009-тӥ арын 20-тӥ тулыспалэ, Росси Федерацилэн азьмуртэз Дмитрий Медведев ӵектэмъя, Удмурт Элькунысь Кун Кенеш Удмурт Элькунлэн азьмуртэзлэсь ужоскетъёссэ Александр Волковлы куинетӥ сроклы сётӥз. 2014-тӥ арын 19-тӥ тулыспалэ, ужоскетъёсызлэн дырзы йылпумъяськем ебре, отставкае келямын вал.
Со арын Удмуртиысь Кун Кенешлэсь санетор луиз.
2017-тӥ арын Удмуртиысь Кун Кенеше быръёнъёсы пыриськыны малпа вал.



Наверх
Вниз