100 лет государственности Удмуртии
Ижкар+8 °C
3 -тӥ инвожо 2020 Вирнунал
16+

2008-тӥ арысен нырысьсэ Удмуртиын кулэмъёс, вордскемъёс сярысь, тросгес луизы

  • 351
  • 0
Ижкар / Удмуртия
2008-тӥ арысен нырысьсэ Удмуртиын кулэмъёс, вордскемъёс сярысь, тросгес луизы
Туспуктэм: Григорий Фомин

2017-тӥ арлэн нырысетӥ паларэзлы йылпумъянъёсъя Удмуртиын кулэмъёс, вордскемъёс сярысь, тросгес луизы. Со сярысь вераз элькун кивалтэт бордын ужась ЗАГС ужъёсъя комитетлэн кивалтӥсез Людмила Попова.

Таяз арын толшорысен инвожоозь Удмуртиын 9 сюрс 61 нылпи вордскиз, кылем арын 151-лы тросгес вал. 118 семьяын кыктоос вордскизы.

Нырысетӥ паларын 9 сюрс 419 адями улонысь кошкиз, миым 401-лы тросгес вал.

Озьы элькунын улӥсьёслэн лыдзы 358 адямилы кулэсмиз. Удмуртстатлэн ивортэмезъя, кылем арын шаерамы улӥсьёс 1 сюрс 822 адямилы тросгес луизы. ЗАГС ужъёсъя комитетлэн кивалтӥсез верамъя, туннэ лыдпусъёс 90-тӥ аръёсысь югдурен герӟаськемын, куке вордскемъёс чутрак ӧжытгес вал.

«Жаляса верано, палар ӵоже вордскемъёслэн лыдзы тросгес ӧз луы, но со валамон. Югдур Удмуртиын гинэ сыӵе ӧвӧл. Быдэс Росси Федерациын но пинал ваёно арлыдазы вуизы 90-тӥ аръёсы вордскемъёс, нош соос ӧжыт вал», — пусйиз Людмила Попова.

Калыклэн лыдэз кулэсмон Удмуртиын берлозэ пусъемын вал 2008-тӥ арын: соку кулэмъёс, вордскемъёс сярысь, 1 сюрс 16 адямилы тросгес вал.

2007-2016 аръёсы Удмуртиын улӥсьёслэн лыдзы йылон (кулэсмон)


Со дыре ик толшорысен куарусёнозь 1 сюрс адямилы вордскемъёслэн лыдзыя Удмуртия Приволжск федерал округъя Башкортостанэн куинетӥ-ньылетӥ интыосты люке. Кулэмъёслэн лыдзыя элькунмы кыкетӥ инты басьтэ, улонысь кошкисьёс ӧжытгес Татарстанын гинэ.



Наверх
Вниз