100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Удмуртиын быръёнъёс азьын МЧС-ысь ӧнерчиосты кужмоятэм ужан амалэ выжтозы

  • 318
  • 0
Ижкар / Удмуртия
Удмуртиын быръёнъёс азьын МЧС-ысь ӧнерчиосты кужмоятэм ужан амалэ выжтозы
Туспуктэм: пресс-служба главы и правительства Удмуртии

Россиысь МЧС-лэн Удмурт Элькунъя Валтӥсь управленияз но тылпуосты кысонъя ёзэсын ужасьёсты 10-тӥ куарусёнэ ортчоно быръёнъёс азьын но куара сётон нуналэ кужмоятэм ужан амалэ выжтозы. Со сярысь ивортӥзы улосвыл тӧролэн но кивалтэтлэн пресс-службаяз.

Со нуналэ 1 сюрс 37 юртъёсы интыяськем 1 сюрс 205 быръён участокъёс ужаны кулэ. Соос интыяськемын улосвылысь дышетонъя министерстволэн юртъёсаз (615 участок), ёросъёсысь лулчеберетъя юртъёсын но клубъёсын (305), элькунысь тазалыкез утёнъя министерстволэн юртъёсаз (47) но калыклы мерлыко юрттэт сётонъя министерстволэн юртъёсаз (13). Эшшо 225 участокъёс пӧртэм асъетэ пырись объектъёсын ужалозы.

Котькудзэ нимысьтыз чаклан улэ басьтӥзы но тылпулэсь утиськон куронъёслы тупамзэ эскеризы. Огазеяськонъёслэн кивалтӥсьёссы тырмымтэосты палэнтон сярысь косонъёс басьтӥзы. Быръёнъёсъя ӧриослэн ёзчиоссылы но полицейскойёслы тылпулэсь утиськон ласянь валэктонъёс сётӥзы но тылпу потон дыръя ужанрадъя тренировкаос ортчытӥзы.

Тылпу кысонъя ёзэсысь ӧнерчиос палэнысь ву басьтыны чаклам интыосты эскеро, тылпу кысон техникалэсь потоз радлыксэ тупато. Шимучыр дыръя юрттэт сётӥсь машинаосты пуктон интыосты пусйизы.

Куара сётон ортчытон интыосын дежурство радъямын луоз.

Удмуртилэн кивалтэтысьтыз Шимучыръёсты алонъя но тылпулэсь утиськонэз радъянъя ӧрилэн тӧроез Ярослав Семёнов министерствоосты но удысэтъёсты электроезъёсты но ву гумыосты, озьы ик тылпу сярысь ивортон сётӥсь тӥрлыкез эскерыны но тупатыны куриз. Со сяна, быръён участокъёсын электротыл кысон дыръя дыкужым сётӥсь тӥрлыкъёс вайыны луонлык шедьтыны куриз.

Элькун кивалтэтлэн тӧроезлэсь ужзэ быдэсъясь быръён участокъёслэн дасьлыксыя нимаз кенешон ортчытыны косӥз.

Тодэ вайытом, 10-тӥ куарусёнэ Удмуртиын улӥсьёс элькунлы тӧроез но Кун Кенешлэн куатетӥ ӧтчамаз депутатъёсты быръёзы.



Наверх
Вниз